„Starfsgreinin hefur fest sig í sessi“
Setja bókamerki
Tveir þingmenn Framsóknarflokksins harma frestun lagareldisfrumvarps Bjarkeyjar Olsen Gunnarsdóttur matvælaráðherra.
Halla Signý Kristjánsdóttir og Iða Marsibil Jónsdóttir, þingmenn Framsóknar, segja frumvarpið ætlað að vinna í þágu umhverfisverndar og að tími sé kominn á skýrari lagaramma í kringum greinina.
„Starfsgreinin hefur fest sig í sessi,“ sagði Iða á fundi Alþingis fyrr í dag undir liðnum störf þingsins.
„Fyrir vestan mátti muna sinn fífil fegri“
Í ræðu sinni kvaðst Iða hafa starfað um árabil innan fiskeldisgeirans og lagði áherslu á mikilvægi geirans fyrir samfélagið á Vestfjörðum.
Hún rifjaði upp að árið 2014 hafi fyrstu seiðin verið sett í sjó hjá ótilgreindu fyrirtæki og tíu árum síðar eru framleidd tæplega 18.000 tonn af laxi hjá fyrirtækinu og 200 manns í vinnu hjá því.
„Ég leyfi mér að fullyrða það hér að árið 2014 var ekki sérlega bjart fram undan í þessum þorpum fyrir vestan og máttu þau muna sinn fífil fegri,“ sagði Iða.
Hún viðurkenndi að lokum að starfsgreinin væri umdeild, en að hún hefði fest sig í sessi og brýndi fyrir þingmönnum að klára málið ákveðið og með sóma á haustþingi.
Skorti kjark
Halla Signý lýsti vonbrigðum yfir þeirri stöðu að frumvarpið hefði ekki náð fram að ganga á vorþingi og sagði það eiga að stuðla að betri stjórnun og umhverfisvernd í lagareldi. Það væri ekki síður mikilvægt fyrir samfélög sem búa við sjókvíaeldi heldur einnig umhverfið.
„Virðulegi forseti. Það er algjör firra að hafa ekki kjark til að klára þessa mikilvægu stefnu um lagareldi og við verðum að taka upp þráðinn í haust og klára þetta. Annars er allt tal um ábyrga uppbyggingu, eftirlit og sjálfbærni tómið eitt og þýðir ekki að flagga því framan í mig að minnsta kosti,“ sagði hún.
Umfangsmikil fjárfesting en góð í öllu samhengi
Reglubundnar ristilskimanir hefjast í ár
„Þarf að koma með hraustlega lækkun“
„Er kannski að gerast fullhægt“
Kannski allt of langur aðdragandi
Telur ný gögn sanna enn frekar vanhæfi
Landris á sama hraða og fyrir síðasta gos
Gul viðvörun vegna hvassviðris