Bjarkey Olsen Gunnarsdóttir matvælaráðherra segir það eftir að koma í ljós hvort að frumvarp um kvótasetning grásleppu komi til með að bitna á smábátasjómönnum og segist ekki endilega gera ráð fyrir því að leggja frumvarp um lagareldi fyrir á haustþingi.

Þetta kom fram í samtali Bjarkeyjar við blaðamann sem náði tali af henni eftir fund ríkistjórnarinnar fyrr í dag.

Frétt af mbl.is

„Hrein og klár aðför að öryrkjum“

Ágreiningur sem tókst ekki að leysa

Þú sagðir um daginn að þér þætti ólíklegt að lagareldisfrumvarpið yrði lagt fyrir á haustþingi. Þetta er heldur breyttur tón. Er ástæða fyrir því?

„Það er ágreiningur undir sem við leystum ekki í meirihlutanum og varðar sektarfjárhæðir og annað slíkt og ég er ekki tilbúin til þess að ganga lengra í því, þannig ef að við náum engu samtali um það í sumar, þá geri ég ekkert endilega ráð fyrir því að leggja málið fram aftur.“

Frétt af mbl.is

Ólíklegt að Bjarkey leggi fram lagareldisfrumvarp

Á eftir að koma í ljós

Grásleppa var kvótasett með nýju frumvarpi sem gekk í gegnum þingið á dögunum. Frumvarpið hefur verið gagnrýnt af strandveiðifélagi Íslands og Inga Sæland, formaður Flokks fólksins, kvaðst hafa barist gegn frumvarpinu með „kjafti og klóm“.

Telurðu gagnrýni á frumvarpið réttmæta og að það bitni á smábátasjómönnum?

„Það held ég ekki sérstaklega, en það á eftir að koma í ljós. Það voru gerðar breytingar á málinu, talsvert miklar, sem ég tel að hafi verið til bóta, meðal annars með því að heimila ekki framsalið fyrstu tvo árin og sjá hvernig til tekst með hlutdeildasetninguna.“ 

Tengdar fréttir

Grásleppuveiðar

Sakar Þórarin Inga um brot á siðareglum

• Álag á starfsfólki vegna grásleppukvóta
• Þó nokkur munur á kvóta og fjölda báta
• Þrjár útgerðir umfram hámark í grásleppu
• Yfir 100 skip fá ekki grásleppukvóta

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Til hvers þarf frjálshyggjan vini??