„Engum dylst að höfnin á Sauðárkróki er barn síns tíma og stendur nú þegar samkeppnishæfni FISK Seafood, og raunar fleiri atvinnugreinum í Skagafirði, fyrir þrifum,“ segir í nýrri sjálfbærniskýrslu FISK Seafood. 

Þar segir að flutningaskip og skemmtiferðaskip hafi farið stækkandi og þau nýjustu geti fæst athafnað sig í höfninni.

„Sama gildir um fyrirhugaða endurnýjun FISK Seafood í fiskveiðiflota sínum. Orkuskiptin og aðrir umhverfisþættir kalla af ýmsum ástæðum á stærri fiskiskip. Ein þeirra er sú einfalda staðreynd að vistvænt eldsneyti tekur þrefalt meira pláss um borð heldur en olían. Þess vegna verða skipin að stækka. Án þess að nútímavæða innviðina, þ.e. að dýpka og stækka höfnina, mun flotinn úreldast og glata samkeppnishæfni sinni.“

FISK Seafood hefur ekki aðeins haft til skoðunar að yngja flotan heldur hefur fyrirtækið átt stórfelld áform um uppbyggingu hátæknifiskvinnslu á Sauðárkróki og hefur höfnin einnig verið til umræðu í því samhengi.

Frétt af mbl.is

Ný ytri höfn forsenda uppbyggingar

„Um leið og ákvörðun hefur verið tekin um endurbætur á höfninni mun FISK Seafood einnig bretta upp ermar í stórhuga umbótaverkefnum á Eyrinni. Fyrirhuguð nýbygging hátæknifrystihúss er þar fremst í flokki og það liggur í augum uppi að tilhögun hennar og umfang ræðst talsvert af því hvort fjárveiting fáist til hafnarframkvæmdanna á allra næstu misserum. Á næsta ári er áætlað að hefja fyrsta hluta framkvæmdanna, það er lagfæra þil gömlu hafnarinnar,“ segir í samfélagsskýrslu útgerðarinnar.

Tengdar fréttir

FISK Seafood

Samfélagssporið jókst um 20% milli ára

• Kaupa 100 tonna kvóta af Saltveri
• 300 milljóna króna afla landað á Sauðárkróki
• Ný ytri höfn forsenda uppbyggingar
• Hafa landað 485 tonnum á Sauðárkróki

» Fleiri tengdar fréttir

• Blogga um frétt