Félag vélstjóra og málmtæknimanna (VM) hefur vísað kjaradeilu sinni við laxeldisfyrirtækin til ríkissáttasemjara.

„Kjaraviðræður við laxeldisfyrirtækin hafa lítið þokast. Þrátt fyrir að greinin hreyki sér af því á opinberum vettvangi að vera orðin næst stærsta útflutningsgreinin þegar kemur að sjávarafurðum er vilji þeirra til að gera kjarasamning við stéttarfélög í greininni lítill. VM hefur vísað deilunni til sáttasemjara, í þeirri viðleitni að þoka málum í rétta átt,“ segir í tilkynningu á vef félagsins.

Þar segir að einnig hafi verið vísað kjaradeilu við sveitarfélög landsins til ríkissáttasemjara. „Upplifun samninganefndar VM er að sveitarfélögin hafi ekki áhuga á að ganga frá samningum fljótt og vel. Því hefur verið ákveðið að leita liðsinnis sáttasemjara.“

Tengdar fréttir

Fiskeldi

Laxey komin með rekstrar- og starfsleyfi

• Vonbrigði ef Bjarkey leggur ekki fram lagareldisfrumvarp
• Segir hnignunina ekki tengjast sjókvíaeldi
• „Starfsgreinin hefur fest sig í sessi“
• Alvarleg frávik í eldisstöðinni í Tálknafirði

» Fleiri tengdar fréttir

• Blogga um frétt