Nýbygging Vinnslustöðvarinnar á áætlun
Setja bókamerki
/frimg/1/55/51/1555132.jpg)
Framkvæmdir við nýtt húsnæði á reit Vinnslustöðvarinnar í Vestmannaeyjum ganga vel. Um er að ræða 5.600 fermetra nýbyggingu á tveimur hæðum og verður saltfiskvinnsla á neðri hæð og innvigtun uppsjávarafla á efri hæð.
„Framkvæmdin er ennþá á áætlun samkvæmt Eyktarmönnum. Við erum að stefna á að geta byrjað að nota neðri hæðina í janúar fyrir saltfiskinn. Í dag er platan á fyrstu hæðinni á lokametrunum í þrónni og í portinu er að verða klárt í að byrja á plötunni á 1 hæð,“ segir Willum Andersen, tæknilegur rekstrarstjóri Vinnslustöðvarinnar, í færslu á vef útgerðarinnar.
Tilkynnt var um nýbygginguna í fyrra og stendur til að hún sé tilbúin fyrir vetrarvertíðina 2025.
Um leið og platan á fyrstu hæð er tilbúin verður farið í að steypa plötuna á annarri hæð og hækka veggina að austan, útskýrir Willum.
„Þar sem við erum að notast við útveggina í þrónni er uppbyggingin ekki svo seinleg. Mesta vinnan hefur verið að leggja lagnasúpu undir plötuna í grunninn til að uppfylla allar kröfur um hreinsun og frádælingu,“ útskýrir hann.
Dregið úr stuðningi og sjónum beint að mestu neyðinni
„Aldrei verið jafn nálægt því að semja um frið“
Taldi sig og börnin sín í hættu
Stór truflun í kerfi Landsnets
Kynna breytingar á stuðningi við Grindvíkinga
„Hermann Austmar er hetja“
Myndskeið: Rússar herja á miðborg Kænugarðs