Skaginn 3X á Akranesi gjaldþrota
Setja bókamerki
Fyrirtækið Baader Skaginn 3X á Akranesi óskaði eftir því við dómara í gær að verða tekið til gjaldþrotaskipta og munu 128 starfsmenn fyrir vikið missa vinnuna. Þetta staðfestir Vilhjálmur Birgisson, formaður Verkalýðsfélags Akraness, við mbl.is.
„Þetta er enn einn sorgardagurinn sem við erum að ganga í gegnum,“ segir Vilhjálmur og bætir við að þetta sé ígildi þess að 2.400 manna vinnustaður í Reykjavík verði gjaldþrota.
Baader er þýskt stórfyrirtæki sem sérhæfir sig í gerð matvinnsluvéla.
/frimg/1/36/31/1363150.jpg)
Vilhjálmur segir ástandið í atvinnumálum á Akranesi vera grafalvarlegt. „Við erum búin að ganga í gegnum, við Akurnesingar, svo ofboðslegar hremmingar í okkar atvinnumálum á liðnum árum að það nær engu tali,“ segir hann og nefnir m.a. að bærinn hafi misst allar sínar aflaheimildir.
Stjórnvöld séu að hluta til ábyrg fyrir ástandinu. Nefnir hann sem dæmi að hvalavertíðinni hafi verið slátrað. „Það er sama hvar maður stígur niður fæti.“
„Vonbrigði“ segir Ástráður: Hittir deiluaðila í dag
Nýr meirihluti tekur við
Samþykkja að skrá flokkinn sem stjórnmálasamtök
Landsfundur Flokks fólksins er hafinn
Segja Ástráð hafa lagt fram tillögu þvert á vilja SÍS
Furðar sig á Jóni Pétri
Svarar fyrir ríkisvæðingu háskólanna