Töluvert eftir af heimildum í ufsa of gulllax

Á meðan veiðiheimildir í þorski, ýsu og karfa fyrir yfirstandandi fiskveiðiár eru að klárast er enn töluvert eftir af ónýttum veiðiheimildum í ufsa, gulllax og keilu 

Íslensku fiskiskipin hafa landað 28.775 tonn af ufsa það sem af er fiskveiðiári 2023/2024 sem hófst 1. september í fyrra og lýkur 31. Ágúst næstkomandi. Útaf standa tæplega 39 þúsund tonna ufsakvóti sem er enn ónýttur og er nýtingarhltfallið nú aðeins 42,6% þó stutt sé eftir af árinu. 

Staðan er ekki mikið betri í gulllaxinum þar sem 63,4% af útgefnum veiðiheimildum eru ónýttar og hefur flotinn aðeins landað 5.487 tonn. Flotinn hefur landað 1.226 tonnum af keilu og eru tæp 2.670 tonn óveidd. 

Þá hefur flotinn landað 151.531 tonni af þorski sem er 92,9% af útgefnum aflaheimildum í tegundinni fyrir yfirstandandi fiskveiðiár. Þá hefur tekist að nýta 93,9% af 59 þúsund tonna ýsukvóta og 88,4% af rúmlega 34 þúsund tonna karfakvóta.

• Blogga um frétt