Nokkrir lýst áhuga á Skaganum 3X
Setja bókamerki
Nokkrir aðilar hafa haft samband við skiptastjóra Skagans 3X og lýst áhuga sínum á öllu fyrirtækinu eða einstökum eignum þess.
„Þetta gerist alltaf í svona þrotabúum en það er ekkert samtal komið í gang við neinn ákveðinn,“ segir Helgi Jóhannesson lögmaður, sem tók við starfi skiptastjóra í gær eftir að tilkynnt var um gjaldþrot fyrirtækisins.
„Það er greinilegt að menn telja mikilvægt að þetta fyrirtæki haldi áfram. Það er augljóslega mikilvægt fyrir Akraneskaupstað og líka þennan bransa sem hefur notað fyrirtækið í sína þjónustu,“ nefnir hann einnig, spurður út í stöðu mála.
Vilja koma eignum í verð sem fyrst
Helgi hefur átt í samskiptum við Íslandsbanka sem er stór hagsmunaaðili og á veðkröfur í eignir þrotabúsins.
Allt verði gert til reyna að koma eignunum í verð sem fyrst í heilu lagi.
„Það er stefnt að því að hafa hraðar hendur í að koma þessu upp á lappirnar aftur en það er allt háð því að bankinn og aðrir kröfuhafar spili með í því en það er ekkert samtal komið í gang eins og áður segir,“ bætir hann við. „Það þarf að liggja fyrir mjög fljótlega hvað verður um þennan rekstur, upp á að missa ekki starfsfólkið og viðskiptasamböndin eitthvað annað.“
128 manns störfuðu hjá fyrirtækinu og eru um 100 þeirra búsettir á Akranesi.
Hleypur á milljörðum
Spurður út í upphæðir í tengslum við gjaldþrotið segir Helgi að lýst sé eftir kröfum en nefnir að upphæðirnar hlaupi á milljörðum. Til að mynda nemi veðskuldir ásamt öðru yfir tveimur milljörðum króna.
„Ég veit ekki nákvæmlega hverjar kröfurnar eru að baki en þetta eru stórar fjárhæðir.“
„Viljum ekki að þjónustan sé svona“
Fá ýmsa þjónustu gjaldfrjálst
Fjölnir felldi formann stærsta félagsins
Veikustu hlekkirnir þoldu ekki álagið
Skýrsla um Hvassahraun „vonbrigði“
Vongóður um endurreisn
Vegur við landamæri rofinn eftir loftárás
Hátt í 80 tilkynningar borist um tjón