Rússar leika lausum hala á mörkuðum

„Rússar sögðust fyrir sex mánuðum ætla að koma Bandaríkjunum út af mörkuðum í Asíu. Þeir eru ekki að hækka verð, jafnvel eftir að ESB lagði tolla á rússneskar sjávarafurðir. Þeir hafa sagt það opinberlega að þeir muni selja á hvaða verði sem er. Það er ekkert annað en undirboð,“ segir Einar.

Frétt af mbl.is

Tollar á rússneskan fisk hækka um áramót

Hann gagnrýnir einnig Marine Stewardship Council (MSC), sem vottar sjálfbæra nýtingu sjávarafurða, og telur fjárhagslega hvata knýja áframhaldandi vottun rússneskra afurða þar sem ekki sé hægt að gera fullnægjandi úttektir á starfsháttum þeirra, auk þess hafa Rússar gefið í skyn að þeir hafi í hyggju að stunda veiðar á alþjóðlegu hafsvæði og þannig hunsa alþjóðlega sáttmála og samninga.

Vörur vottaðar af MSC hafa alla jafna getað náð betra verði á mörkuðum og þannig styður vottunin við sölu rússneskra afurða að sögn Einars sem bendir á að Rússland hafi innleitt útflutningstoll á sjávarfang í þeim tilgangi að fjármagna stríðið í Úkraínu. „Hvers vegna votta þeir rússnesku stríðsvélina? Er „MSC“ skammstöfun fyrir Moskvu? Þetta er óskiljanlegt.“

Viðtalið má lesa í heild sinni í Morgunblaðinu í dag.