Sigurbjörg nýtur sólarinnar á Jónahafi
Setja bókamerki
Sigurbjörg ÁR-67, nýsmíði Ísfélagsins, lagði úr höfn í Tyrklandi á föstudag. Fyrst lagðist skipið fyrir akkeri og beið þess að fá afgreidda olíu en hélt síðan af stað til Íslands.
Togarinn er nú staddur á miðju Jónahafi milli syðsta hluta meginslands Grikklands og Síkileyjar. Áhöfninni er líklega heitt enda létt vestanátt glampandi sól og á bilinu 33 til 42 stiga hiti samkvæmt veðurspám.
Fram kom í færslu Ísfélagsins að ellefu hefðu verið um borð við brottför, níu íslenskir skipverjar og tveir tyrkneski tæknimenn. Tæknimennirnir fóru frá borði þegar Sigurbjörg fór í gegnum Dardanellasund. Skipstjóri á Sigurbjörgu er Sigvaldi Páll Þorleifsson og yfirvélstjóri er Þorfinnur Hjaltason.
Áætlað er að skipið komi til heimahafnar á Íslandi 26. júlí samkvæmt skráningu MarineTraffic.
Appelsínugul viðvörun vegna veðurs
ESB segir upplýsingar um flugskeyti áreiðanlegar
Verðbólgan brýnasta verkefnið
Rétti barni sínu frekar sígarettur en iPad
„Haustið er bara komið“
/frimg/1/51/44/1514413.jpg)
„Getum öll sameinast um að láta fólk vita“
/frimg/1/51/45/1514506.jpg)
Tíu Íslendingar gegn 19.000 Tyrkjum