„Veiðiárangur er oft spurning um heppni“
Setja bókamerki
Mikil dreifing makrílsins á miðunum innan lögsögunnar torveldur veiðum íslensku skipanna.
„Fiskurinn hérna innan íslensku lögsögunnar myndar litla bletti eða torfur og það skiptir öllu máli að hitta á slíka bletti. Vandinn er sá að fiskurinn sést illa á tækjum og það er mikil ferð á honum þannig að veiðiárangur er oft spurning um heppni,“ útskýrir Sigurður Valgeir Jóhannesson, skipstjóri á Beiti NK, í færslu sem birt var á vef Síldarvinnslunnar fyrir helgi.
Eins og fjallað var um á 200 mílum í síðustu viku hefur veiðin víða gengið hægt og ná fæstir að fylla áður en haldið er í land.
„Vonandi getum við verið innan íslenskrar lögsögu fram eftir mánuðinum. Í fyrra lauk veiði í lögsögunni í lok júlí og eftir það var veitt í Smugunni. Síðustu árin hefur ágúst verið besti mánuðurinn á makrílvertíðinni en þá hefur yfirleitt verið um Smuguveiðar að ræða. Til dæmis var góð veiði í Smuginni í ágúst í fyrra,“ segir Sigurður í færslunni.
Næg áta
Beitir NK kom til Neskaupstaðar miðvikudagskvöld með rúm 1.300 tonn af makríl. Hófst vinnsla um leið og lauk henni síðdegis á föstudag.
Þá segir að að mikil áta hafi verið í makrílnum og er það í samræmi við mælingar vísindamanna sem hafa sýnt að næg æta og hagstætt hitastig hefur verið á Íslandsmiðum fyrir makrílin undanfarin ár. Að ekki sé meiri makríll í lögsögunni en raun ber vitni skýrist því af öðrum breytum.
Þegar veiðin er svona gloppótt hentar vel að skipin stundi veiða rí samstarfi og var á fimmtúdag dælt nokkur hundruð tonnum í Vilhelm Þorsteinsson EA úr Berki NK, Barða NK og Margréti EA. Föstudag var dælt um fimm hundruð tonnum í Vilhelm sem kom til Neskaupstaðar með 1.500 tonn um helgina. Aflinn var þó töæuvert síldarblandaður.
„Skipin hafa verið að færa sig austar en þau hafa verið en þar eru hitaskil í sjónum sem fiskurinn leitar í. Þó svo að makrílaflinn að undanförnu hafi verið misjafn er ekki ástæða til að kvarta á meðan vinnsla helst samfelld og veiðin fer fram innan íslenskrar lögsögu,“ segir í færslu Síldarvinnslunnar.
„Afar skemmtilegt verkefni“
Skýrsla um Hvassahraun „vonbrigði“
„Svarið er held ég flestum augljóst“
/frimg/1/51/98/1519807.jpg)
Ekki dæmigerð dönsk kona
Gekk bara einu sinni á uppsafnað orlof
„Viljum ekki að þjónustan sé svona“