Útbreiðsla makríls í íslenskri landhelgi ein sú minnsta
Setja bókamerki
Útbreiðsla makríls í íslenskri landhelgi er sú minnsta sem mælst hefur. Þá mældist makríll á fimm af 43 yfirborðstogstöðvum sem allar nema ein voru staðsettar fyrir suðaustan landið.
Þetta kemur fram í tilkynningu frá Hafrannsóknarstofnun.
Rannsóknarskipið Árni Friðriksson lauk alþjóðlegum uppsjávarvistkerfisleiðangri í Norðurhöfum fyrr í ágúst og skilaði bráðabirgðaniðurstöðum úr leiðangrinum.
Makríllinn var stór
Mælingarnar hófust sumarið 2010 en á þremur af þeim fimm stöðvum þar sem makríll mældist veiddust einungis fáeinir fiskar en aflinn var 1.7 tonn og 10.3 tonn á hinum tveimur stöðvunum. Makríllinn var stór með meðallengd 40 cm og meðalþyngd 550 g.
Þá segir í tilkynningunni að líkt og undanfarin ár var norsk-íslenska vorgotssíld að finna á mörgum togstöðvum fyrir norðan og austan landið. Minna hafi fengist af íslenskri sumargotssíld á landgrunninu fyrir sunnan og vestan landið þar sem einungis fáeinir fiskar hafi fengist á þremur stöðvum.
Pútín sagður gefa í skyn að Trump vilji Ísland
„Næturvaktin var á tánum“
Play Europe fær flugrekstrarleyfi á Möltu
Misbauð hegðun borgarfulltrúa: „Ég biðst afsökunar“
Of háar einkunnir og of lítið skipulag
Jón Gnarr tók vakt á Stuðlum í gær
Silja Bára næsti rektor Háskóla Íslands
