Áhyggjur meðal sjómanna af Gæslunni
Setja bókamerki
Tengdar fréttir
Öryggi sjófarenda
„Ég hef miklar áhyggjur af stöðunni fyrir hönd sjófarenda, mikilvægi þess að halda úti öflugu leitar- og eftirlitsflugi er gríðarlegt. Sjómenn verða að njóta sömu réttinda og aðrir landsmenn, þyrlurnar eru okkar sjúkrabílar. Ég trúi ekki öðru en að núverandi dómsmálaráðherra sýni þessu skilning,“ segir Aríel Pétursson formaður Sjómannadagsráðs um stöðu Landhelgisgæslunnar (LHG) og þann vanda sem lýst hefur verið í blaðinu síðustu daga.
Flugvél Landhelgisgæslunnar, TF-SIF, hefur ekki verið tiltæk mánuðum saman og þannig sagði Georg Kr. Lárusson forstjóri Gæslunnar í blaðinu í gær að hafsvæðið við Ísland væri meira og minna eftirlitslaust. Til að halda uppi viðunandi eftirliti þyrfti 300-400 milljónir kr. til viðbótar í reksturinn.
200 dagar óviðunandi
Aríel segir nauðsynlegt að viðhafa öflugt eftirlit til að tryggja lögsögu landsins og öryggi sjófarenda. Hann kallaði eftir upplýsingum frá Landhelgisgæslunni um viðbragðsgetu þyrlusveitarinnar. Í ljós kom að árið 2023 var full viðbragðsgeta, tvær þyrlur og tvær áhafnir, til staðar um 200 daga ársins af 365. Það sé óviðunandi tala. Um þriðjungur útkalla Gæslunnar að jafnaði eru á sjó.
Nánari umfjöllun er að finna í Morgunblaðinu í gær, laugardag.
„Var farinn að segja við mig að hann vildi deyja“
Ríkisstjórn í fæðingu: Vilja efla landamæraeftirlit
Hver hraðahindrun kostar minnst 20 milljónir
„Engill dauðans“ framseldur til Noregs
Mögulega vísindaveiðar á hnúfubak
Hefur samþykkt kauptilboð í Herkastalann