Gert er ráð fyrir um tveimur milljörðum í auknar tekjur ríkissjóðs af veiðigjaldi á næsta ári. Fram kemur í fjárlagafrumvarpinu að matvælaráðuneytið leiðir nú endurskoðun á lögunum um veiðigjald en áætlað er að veiðigjaldið skili ríkinu um 14,3 milljörðum á árinu 2025.

Þar af eru um 2,3 milljarðar af verðmætagjaldi af fiskeldi, en verðmætagjald sjókvíaeldis hækkar 4,3% í 5% af markaðsverði afurða á næsta ári. Gert hafði verið ráð fyrir að hækka gjaldið í 5% á þessu ári en ákveðið var að áfangaskipta hækkuninni og kemur sá síðari til framkvæmda 2025. Eiga tekjur af því að aukast um 300 milljónir.

Samkvæmt fjárlögum síðasta árs var gert ráð fyrir að veiðigjöld myndu skila 11,55 milljörðum og gerir áætlun núna ráð fyrir að þau muni skila 11,47 milljörðum í ríkissjóðs á þessu ári. Breytingin nemur því um 2,7 milljörðum á milli ára í heild, eða 23,5%.

Tengdar fréttir

Veiðigjöld

Sex samstæður greiddu fimm milljarða

• Brim og Samherji greiddu 19% veiðgjalda
• Veiðigjöldin tæpir 11 milljarðar í fyrra
• Lýsa áhyggjum af áformum ríkisstjórnar
• Hærra gjald gæti leitt til lokana

» Fleiri tengdar fréttir

Fjárlög 2025

Segir aðhaldið gott og væntir vaxtalækkana

• Andstaða og of knappur tími
• Óeðlilegt að sama gjald verði tekið óháð þyngd
• Bindur vonir við að koma fjárlögunum í gegn
• Útlit fyrir að hallinn verði 17 milljörðum meiri

» Fleiri tengdar fréttir

• Blogga um frétt