Guðsmaðurinn sem mun leiða Herjólf

Þetta segir Ólafur Jóhann Borgþórsson sóknarprestur í Seljakirkju í samtali við Morgunblaðið en hann var á dögunum ráðinn framkvæmdastjóri Herjólfs. Fram kemur í tilkynningu stjórnar Herjólfs ohf. að það hafi verið samhljóða ákvörðun að ráða Ólaf í starf framkvæmdastjóra félagsins. Hann tekur við starfinu 1. janúar nk.

„Starfið er spennandi tækifæri fyrir mig, sem og að flytja heim til Vestmannaeyja og takast á við nýjar áskoranir,“ segir Ólafur.

Frétt af mbl.is

Ólafur Jóhann nýr framkvæmdastjóri Herjólfs

Það var samhljóða ákvörðun stjórnar Herjólfs ohf. að ráða Ólaf Jóhann Borgþórsson sóknarprest sem framkvæmdastjóra félagsins. mbl.is/Eyþór

Gaman að fá aukalínu

Hann tekur undir að það sé ekki á hverjum degi sem prestur tekur að sér starf af þessu tagi.

„Alla mína starfsævi hef ég starfað sem prestur í Seljakirkju í Breiðholti. Stundum þegar ég skrifa minningarorð um fólk hef ég hugsað til þess hvað yrði skrifað um mig. Það væri að ég fæddist í Vestmannaeyjum, dó í Reykjavík og starfaði í Seljakirkju þess á milli! Það væri gaman að fá aukalínu í minningarorðin,“ segir Ólafur léttur í bragði.

Hann segist hafa fengið mjög jákvæð viðbrögð úr ýmsum áttum þrátt fyrir að það hafi komið mörgum á óvart að prestur væri að taka við stjórnartaumum Herjólfs.

„Vonandi verður það til heilla að fá framkvæmdastjóra sem er vanur að fara með bæninar sínar, svo Landeyjahöfn verði meira opin yfir árið,“ segir Ólafur að lokum.