Vara við afleiðingum

SFS segjast vera andvíg þessum breytingum, „þar sem ljóst er að verði úrræðið afnumið gæti þurft að grípa til annarra ráðstafana sem koma til muna verr niður á starfsfólki fiskvinnsla. Til dæmis gæti orðið nauðsynlegt að fella starfsfólk af launaskrá samkvæmt 3. gr. laga 19/1979 um rétt verkafólks til uppsagnarfrests og launa vegna sjúkdóms- og slysaforfalla,“ segir í umsögn SFS við frumvarpið.

Starfsgreinasambandið (SGS) leggst gegn þessari einhliða niðurfellingu á lögunum og öðrum lagabreytingum sem boðaðar séu „án samtals eða samráðs við aðila vinnumarkaðarins. Slíkt mun valda fiskvinnslufólki vítt og breitt um landið óvissu, óþægindum og tekjumissi ef til vinnslustöðvunar kemur vegna tímabundins hráefnisskorts,“ segir í umsögn SGS.

Lesa má meira um málið í Morgunblaðinu í dag.