„Stórt áhyggjuefni hvernig staðan er“
Setja bókamerki
Gunnþór Ingvason, framkvæmdastjóri Síldarvinnslunnar í Neskaupsstað, segir óvissuna varðandi loðnustofninn vera erfiða en er hóflega bjartsýnn varðandi fiskveiðiárið 2025-2026.
Hafrannsóknastofnun tilkynnti í að dag að stofnunin muni ekki leggja til að loðnuveiðar verði leyfðar fiskveiðiárið 2024 til 2025. Ráðgjöfin byggir á niðurstöðum bergmálsmælinga á loðnustofninum á tímabilinu 21. ágúst til 1. október en verður endurmetin þegar niðurstöður bergmálsmælinga á stærð veiðistofnsins liggja fyrir í byrjun næsta árs.
Enn eitt óvissuárið
„Þetta eru auðvitað vond tíðindi og enn eitt óvissuárið varðandi loðnustofninn. Mælingin er mjög nálægt því sem þarf til að leyfa veiðar og lítið vantar upp á að ná upphafskvóta,“ segir Gunnþór þegar mbl.is bar niðurstöðuna undir hann.
Gunnþór sér ljósa punkta í stöðunni þegar hann rýnir í mælingarnar.
„Samkvæmt mælingunni gæti komið upphafskvóti fyrir þar næstu vertíð. Ég myndi því segja að það séu ljósir punktar í þessu þótt slæmt sé að fá ekki kvóta. Það hefði verið gott ef hægt hefði verið að leyfa einhverjar veiðar og samkvæmt mælingunni erum við grátlega nálægt því. Loðnuútgerðir hafa hins vegar verið í limbói í áratugi varðandi þennan tíma og þessar tölur gefa tilefni til að veiðar verði leyfðar 2025-2026. Þetta hefði getað verið verra.“
Staða loðnustofnsins er umhugsunarefni
Varðandi loðnustofninn og umræðuna um hann í heild sinni segist Gunnþór vilja sjá meira púður sett í að komast að því hvers vegna staðan sé ekki betri en raun ber vitni.
„Auðvitað er stórt áhyggjuefni hvernig staðan er, og hefur verið, varðandi loðnustofninn. Ég held að menn þurfi að komast að því hvað skaðar stofninn. Hvaða áhrif hefur til dæmis svakalegur vöxtur hvalastofna á loðnuna? Þetta er umhugsunarefni og væri mikilvægt að geta áttað sig fullkomlega á samhenginu í þessu,“ segir Gunnþór.
Bjarni reynst óhæfur til að leiða ríkisstjórn
„Áhættan hefur verið stórlega ofmetin“
/frimg/1/52/24/1522428.jpg)
„Liður í því að það verði líflegra í bænum“
Fá að koma með báða makana á árshátíðir
Kennarar í MR samþykkja verkfall
Sýknudómur í Lindarhvolsmálinu stendur
Halla Hrund leiðir Framsókn: Sigurður Ingi í 2. sæti
Alma Möller í framboð fyrir Samfylkinguna