Helmingur telur leyfisveitingu óeðlilega
Setja bókamerki
Rúmlega helmingur aðspurðra telur óeðlilegt að ráðherra í starfsstjórn gefi út nýtt leyfi til veiða á langreyðum.
Þetta kemur fram í tilkynningu frá Náttúruverndarsamtökum Íslands en þar segir frá nýrri könnun Maskínu þar sem niðurstaðan var þessi:
51% svöruðu að umrædd leyfisveiting væri óeðlileg. Tæp 30% sögðu hana eðlilega en 19% tóku ekki afstöðu til spurningarinnar.
„Sérkennileg stjórnsýsla“
„Það væri afar sérkennileg stjórnsýsla að, Bjarni Benediktsson starfandi matvælaráðherra í starfsstjórn, gæfi út leyfi til veiða á langreyðum til næstu 5 eða 10 ára samkvæmt lögum sem hafa staðið óbreytt í 75 ár og virti þar með að vettugi vinnu starfshóps um hvernig megi færa lög um hvalveiðar í átt til nútímans,“ segir í tilkynningu Náttúruverndarsamtaka Íslands.
Þar segir einnig að slík ákvörðun myndi binda hendur íslenskra stjórnvalda jafn lengi og hugsanlegt leyfi gildir. Slík ákvörðun standist ekki kröfur um nútíma stjórnsýsluhætti.
Sleginn yfir grófri framkomu gegn fjölskyldunni
Nokkrar skriður féllu á Vestfjörðum
Ránið var framið í strætóskýli
Vandræði með vatn í Bolungarvík
Traust til kvenleiðtoga fer minnkandi
„Skjálftaklessa á milli Grímseyjar og Öxarfjarðar“
Jón „mun ekki koma nálægt meðferð hvalamálsins“
