„Mikið álag er á starfsfólki Fiskistofu vegna úthlutunnar hlutdeilda í grásleppu,“ segir í tilkynningu sem birt var á vef Fiskistofu í dag. Er þar óskað eftir því að allar fyrirspurnir varðandi úthlutunina séu sendar með tölvupósti.

Fiskistofa tilkynnti 4. nóvember að stofnunin hefði tekið saman áætlaða úthlutun hlutdeilda í grásleppu í tengslum við lög um kvótasetningu grásleppuveiða sem samþykkt voru á Alþingi í júní síðastliðnum.

Væntanleg úthlutun grásleppukvóta byggir á útreiknaðri veiðireynslu grásleppubáta en frestur eigenda og útgerða til að gera athugasemdir við útreikningana rennur út á morgun, 19. nóvember.

Frétt af mbl.is

Þrjár útgerðir umfram hámark í grásleppu

Um hundrað grásleppubátar sem hafa verið með grásleppuveiðileyfi munu ekki fá grásleppukvóta á grundvelli útreikninganna, en úthlutun mun byggja á veiðireynslu. Litið er til landaðs afla frá og með árinu 2018 til og með ársins 2022 að undanskildu árinu 2020, á þeim tíma sem leyfi til grásleppuveiða var í gildi plús einn dagur. 

Tengdar fréttir

Grásleppuveiðar

Opnað fyrir umsóknir um nýliðakvóta

• Fiskistofa býst við kærum
• Sakar Þórarin Inga um brot á siðareglum
• Þó nokkur munur á kvóta og fjölda báta
• Þrjár útgerðir umfram hámark í grásleppu

» Fleiri tengdar fréttir

• Blogga um frétt