Fjögur fyrirtæki sótt um leyfi til hvalveiða
Setja bókamerki
Fjögur fyrirtæki hafa sótt um leyfi til að stunda hvalveiðar en auk Hvals hf. eru það Útgerðarfyrirtækið Vonin ehf., Tjaldtangi ehf. og Fasteignafélagið Ból ehf.
Vísir greinir frá en Morgunblaðið greindi frá því í október að Hvalur hf. hefði sótt um leyfi til matvælaráðuneytisins til að veiða langreyði og óskaði eftir því að leyfið yrði ótímabundið, ellegar að það gilti til fimm eða tíu ára og framlengist sjálfkrafa um eitt ár í senn við lok hvers starfsárs.
Útgerðarfélagið Vonin ehf, Tjaldtangi ehf. og Fasteignafélagið Ból ehf. hafa hins vegar sótt um leyfi vegna hrefnuveiða en ekki liggur ljóst fyrir hvenær afgreiðslu umsókna lýkur af hálfu matvælaráðuneytisins.
Í svörum ráðuneytisins til Vísis kemur fram að Bjarni Benediktsson forsætisráðherra, sem einnig er starfandi matvælaráðherra, hafi rætt stöðu Jóns Gunnarssonar og upplýst ráðuneytisstjóra 7. nóvember um að Jón ætti ekki að koma að meðferð umsókna um leyfi til að stunda hvalveiðar.
Í könnun Maskínu fyrr í þessum mánuði kom fram að rúmlega helmingur aðspurðra telur óeðlilegt að ráðherra í starfsstjórn gefi út nýtt leyfi til veiða á langreyðum.
Óska eftir gögnum frá forsætisráðuneytinu
Sprungur gleikkuðu í Grindavík
Karlmaður látinn eftir umferðarslys
„Meira eða minna búið, þetta gos“
Miklu stærri og lengri kvikugangur
Ríkisstjórnin sökuð um brot á lögum
Skjálftavirkni á um 20 kílómetra löngu svæði