Sveiflukennt ár fyrir laxeldið
Setja bókamerki
Markaðir fyrir lax hafa einkennst af miklum sveiflum á árinu 2024. Hófst árið með óvenjuháu verði og framleiðsluaukningu en stóraukin samkeppni leiddi til verðhruns um mitt ár. Hefur meðalverð á laxi á alþjóðlegum mörkuðum haldist undir meðalverði síðasta árs. Verð er þó hátt í sögulegu samhengi, að því er fram kemur í Morgunblaðinu í dag.
Verð á laxi er háð miklum árstíðasveiflum og er lægst yfir sumar og haust en hækkar eftir það jafnt og þétt og nær hámarki á vormánuðum í kringum páska. Það varð einnig raunin í ár og náði meðalverð í apríl 130,67 norskum krónum sem er hæsta meðalverð í stökum mánuði sem nokkurn tíma hefur sést. Um er að ræða 1.643,44 íslenskar krónur á hvert kíló af slátruðum laxi.
Ekki var eintóm gleði því verð tók fljótt að lækka og varð algjört hrun milli maí og júní þegar meðalverð féll um 33,7%. Aldrei hefur meðalverð fallið jafn mikið og fékkst lægsta verð í september þegar það var aðeins 71,56 norskar krónur á kíló, hafði það ekki verið lægra síðan janúar 2022.
Hangir þetta vel saman við þróun framleiðslunnar en framleiðsla á eldislaxi í Noregi, sem er stærsta framleiðslulandið á heimsvísu, var töluvert minni á fyrstu fjórum mánuðum ársins en á sama tímabili 2023 og enn minni en 2022. Þegar leið á sumar fór framboð af norskum eldislaxi að vaxa ört. Á fyrstu tíu mánuðum ársins hafa Norðmenn flutt út 1.014.952 tonn af laxi og er það meiri lax en þeir fluttu út allt árið í fyrra.
Umfjöllunina má lesa í heild í Morgunblaðinu í dag.
Þórdís ætlar ekki að bjóða sig fram
Kennarar hafi ekki svarað foreldrum
„Hefur tekist að virkja fólkið í landinu með okkur“
Fer annan hring í borginni og framkvæmdir frestast
Björn segir af sér stjórnarformennsku
Bráðabirgðalögbann á Trump
„Svakalega öflug lægð“
Stefnan foreldrum „til skammar og minnkunar“