Sigurður Ingi Jóhannsson, formaður Framsóknarflokksins, gerir ekki athugasemd við veitingu hvalveiðileyfis. Hann segir þó að hugsanlega hefði mátt veita það fyrr.

Þetta segir Sigurður i samtali við mbl.is að ríkisstjórnarfundi loknum.

Bjarni Bene­dikts­son, starf­andi mat­vælaráðherra, gaf í gær út leyfi til veiða á langreyðum til Hvals hf. auk leyf­is til veiða á hrefnu til tog- og hrefnu­veiðibáts­ins Hall­dórs Sig­urðsson­ar ÍS 14, sem er í eigu fé­lags­ins Tjald­tanga.

Styðja hvalveiðar

„Við í Framsókn styðjum að við nýtum okkar rétt til að veiða með sjálfbærum hætti hvali eins og aðrar auðlindir sjávar. Þannig ég geri ekki athugasemd við það,“ segir hann. 

Hann segir fordæmi vera fyrir því að ákvarðanir um hvalveiðar séu teknar í starfsstjórn og nefnir hann að það hafi gerst árið 2009 og 2017. 

Gerir ekki athugasemd við það að vera með virkt leyfi

Spurður hvort að það hefði átt að bíða þar til ný ríkisstjórn tæki við segir Sigurður:

„Ég geri bara ekki athugasemd við það að við séum með virkt hvalveiðileyfi og það hefði kannski átt að vera búið að veita það fyrr,“ segir Sigurður. 

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

• Blogga um frétt