Milljarðar greiddir í veiðigjald
Setja bókamerki
Á fyrstu tíu mánuðum ársins hafa íslenskar útgerðir greitt 8.539 milljónir króna í veiðigjald, samkvæmt samantekt á vef Samtaka fyrirtækja í sjávarútvegi, SFS. Það sé 2% lægri fjárhæð en útgerðirnar höfðu greitt fyrir veiðar á sama tímabili í fyrra en þá var heildarfjárhæðin komin í 8.787 milljónir króna eftir tíu mánuði. Þá voru hins vegar loðnuveiðar leyfðar en enginn loðnukvóti var gefinn út í ár.
„Enginn loðnukvóti var gefinn út á þessu ári, sem hefur óhjákvæmileg áhrif á fjárhæð veiðigjaldsins, enda greiddu útgerðir 1.784 milljónir vegna veiða á loðnu á síðasta ári. Sé veiðigjald af loðnu undanskilið í tölunum teiknast upp allt önnur mynd. Þá er heildarfjárhæð veiðigjaldsins rúmlega 23% hærri á fyrstu tíu mánuðunum í ár en á sama tímabili í fyrra,“ segir í færslunni hjá SFS.
Þorskveiðar skila hæstri upphæð í ríkiskassann í gegnum veiðigjaldið. Gjaldið af þorskveiðum var 4,748 milljónir á fyrstu tíu mánuðum ársins og samkvæmt tölum SFS er það 45% hærri upphæð en á sama tíma í fyrra. „Það má að stærstum hluta rekja til þess að upphæð veiðigjaldsins á hvert kíló af þorski er mun hærri í ár en hún var í fyrra, eða 26,66 krónur á móti 19,17 krónum. Þar að auki var þorskaflinn rúmlega 4% meiri.“
Möguleiki á að sjá deildarmyrkva í dag
Yfir 90 manns líklega fastir undir brakinu
Mikilvæg breyting í Úlfarsárdal
Útgerðir draga úr umsvifum
Leiddur á brott af lögreglu
Heimsókn Vance leiddi til ýmissa viðbragða
/frimg/1/55/75/1557583.jpg)
Gengur um bæinn með KR-húfu