„Við erum afskaplega ánægð með að það sé búið að staðfesta að verði 48 dagar á strandveiðum á næsta ári og það verður væntanlega til framtíðar,“ segir Örn Pálsson, framkvæmdastjóri Landssambands smábátaeigenda (LS), inntur álits á stjórnarsáttmála Samfylkingar, Viðreisnar og Flokks fólksins.

Í stjórnarsáttmálanum er segir berum orðum „ríkisstjórnin mun tryggja 48 daga til strandveiða“ og er með því átt við að strandveiðibátum verði tryggðir veiðar þá 12 veiðidaga í hverjum mánuði strandveiðitímabilsins, það er maí til og með ágúst.

Frétt af mbl.is

Fagna fyrirheitum um 48 daga

 „Við höfum barist fyrir þessu allt frá því að það var ákveðið að breyta strandveiðikerfinu 2018. Fyrstu árin, 2018 og 2019, voru þannig að veiðarnar voru tólf daga í hverjum mánuði, en síðustu árin hefur þeim lokið um miðjan júlí. Núna munu menn geta verið vissir um að geta stundað veiðar allan júlí og allan ágúst í þá tólf daga sem heimilaðir eru í þessu veiðikerfi,“ segir Örn.

Vísar hann til þess að undanfarin ár hefur Fiskistofa stöðvað strandveiðar þegar veiðiheimildir sem veiðunum er ráðstafað klárast. Hafa strandveiðisjómenn á Norður- og Austurlandi kvartað vegna þessa þar sem þeir segja veiðar stöðvaðar um það bil á þeim tíma er stóri þorskurinn sé að ganga inn á grunnslóð á þessum svæðum.

Til að mæta vanda strandveiðisjómanna á þessum svæðum hefur um nokkurt skeið verið rætt um að innleiða á ný svæðisskiptingu strandveiða eins og var fram til ársins 2018, til að tryggja jafnt aðgengi að auðlindinni óháði því hvaðan strandveiðisjómenn róa.

Með því að allir strandveiðibátar fái 48 veiðidaga sé hins vegar þessi umræða úr sögunni útskýrir Örn. „Þar með er búið að tryggja jafnræði milli allra landshluta.“

Frétt af mbl.is

Ekki gott að tímabilinu sé lokið

Engar áhyggjur

Örn kveðst ekki hafa neinar áhyggjur af því að ekki verði staðið við þessi fyrirheit þó svo að ekki komi fram í stjórnarsáttmála hvernig hin nýja ríkisstjórn hyggst sjá til þess að strandveiðisjómenn fái umrædda 48 daga.

„Þegar þetta er komið í stjórnarsáttmála með þessum hætti tel ég að kerfið verði óbreytt nema þá að ekki verði heimilt að stöðva veiðarnar eins og verið hefur.“

Tengdar fréttir

Strandveiðar

„Þetta er bara hræðsluáróður“

• Lýsa áhyggjum af áformum ríkisstjórnar
• Óásættanlegt að taka atvinnu af öðrum
• „Þetta er svo mikil bull umræða“
• Binda enda á 63 ára útgerðarsögu

» Fleiri tengdar fréttir

• Blogga um frétt