Jónbjörn setti nafn sitt á nýja tegund
Setja bókamerki
Ný kuðungategund uppgötvaðist við Íslandsstrendur nýverið. Í færslu á vef Hafrannsóknastofnunar er slíkt sagt sjaldgæft og að um sé að ræða afrakstur mikillar vinnu.
„Nýja tegundin hefur verið nefnd eftir fyrrum starfsmanni Hafrannsóknastofnunar Jónbirni Pálssyni og heitir Buccinum palssoni Fraussen, Delongueville & Scaillet, 2024, en tegundin hefur enn ekki fengið íslenskt nafn,“ segir í færslunni.
Kuðungurinn er um 3 cm á hæð og tilheyrir ættkvíslinni Buccinum eins og beitukóngur.
Uppgötvunina má rekja til samstarfs Jónbjörns og belgísku dýrafræðinganna Christiane Delongueville og Roland Scaillet.
„Jónbjörn starfaði um árabil við hafrannsóknir. Eftir hann liggur fjöldi greina um líffræði hafsins og er hann annar höfunda bókarinnar Íslenskir fiskar. Jónbjörn er vel að þessum heiðri kominn og óskar Hafrannsóknastofnun honum innilega til hamingju,“ segir í færslunni.
Missti heimilið í þriðja sinn í eldsvoða
Ökumaðurinn ákærður fyrir manndráp af gáleysi
Líklega kvikusöfnun á miklu dýpi
Allir landsbyggðarþingmenn fá styrk
Hvetja Íslendinga til að fylgja tilmælum
Stórbruni í Ósló
Skella skuldinni á Búseta