Bæjarráð Fjarðabyggðar lýsir áhyggjum af áformum ríkisstjórnarinnar um hækkun veiðigjalda og áhrifum af boðuðum breytingum á strandveiðikerfinu. Skorar bæjarráð á stjórnvöld að hefja samráð við útgerðir, sveitarfélög og aðra hagsmunaaðila. Jafnframt er lagt til að stjórnvöld láti framkvæma mat á áhrifum fyrirhugaðra breytinga.

Þetta kemur fram í sérstakri bókun bæjarráðs um „óvissu í sjávarútvegi“ sem finna má í fundargerð bæjarráðsfundar sem haldinn var í gær.

„Bæjarráð Fjarðabyggðar lýsir yfir þungum áhyggjum vegna óvissu sem nú ríkir í sjávarútvegi í kjölfar boðaðra hækkana á veiðigjöldum, einkum á uppsjávarveiðar, ásamt þeim áhrifum sem boðuð aukning á kvóta til strandveiða kemur til með að hafa á aðra kvóta. Fjarðabyggð er sveitarfélag sem byggir að stórum hluta á sjávarútvegi og óvíða kemur meiri afli á land en þar og velgengni greinarinnar er undirstaða efnahagslegrar og félagslegrar stöðu samfélagsins,“ segir í bókuninni.

Neskaupstaður, Eskifjörður, Reyðarfjörður, Fáskrúðsfjörður, Stöðvarfjörður, Mjóifjörður og Breiðdalsvík tilheyra sveitarfélaginu Fjarðabyggð.

Miklum afla er landað í sveitarfélaginu og er sjávarútvegurinn meðal helstu atvinnugreinum á svæðinu. mbl.is/Albert Kemp

Bætist Fjarðabyggð með þessu í hóp fjölda aðila sem hafa lýst áhyggjum af áformum stjórnvalda undanfarnar vikur. Má þarf nefna forstöðumenn Vinnslustöðvarinnar í Vestmananeyjum, FISK Seafood, Síldarvinnslunnar og fleiri aðila.

Strandveiðisjómenn hafa þó á sama tima fagnað áformum ríkisstjórnarinnar um að tryggja öllum strandveiðibátum 48 veiðidaga.

Frétt af mbl.is

„Við erum afskaplega ánægð“

Afleiðingar fyrir sveitarfélagið

Fullyrt er að hækkun veiðigjalda mun auka kostnað útgerða á Austfjörðum ofan á umtalsverðar hækkanir sem urðu um áramótin og veikja þannig fjárhagslega getu þeirra. Hækkunin kemur einnig á tíma þegar óstöðugleiki ríkir í greininni og er vísað m.a. til loðnubrests, skerðinga á raforku og óvissu um markaðsaðstæður.

„Fyrirséð er að slíkar hækkanir muni bitna á fjárfestingum fyrirtækja, draga úr afkomu þeirra og veikja samkeppnisstöðu þeirra á alþjóðamörkuðum. Þessar aðstæður hafa einnig afleidd áhrif á atvinnustig og tekjur samfélagsins sem þegar hafa dregist saman verulega vegna loðnubrests á liðnu ári. Hefur það haft veruleg áhrif á tekjur sveitarfélagsins Fjarðabyggðar eins og víðar um land,“ segir í bókun bæjarráðs

Frétt af mbl.is

Binda enda á 63 ára útgerðarsögu

Skora á stjórnvöld

Skorar bæjarráð Fjarðabyggðar á stjórnvöld að „hefja samtal við útgerðir, sveitarfélög og aðra hagsmunaaðila sem byggja á sjávarútvegi til að eyða óvissu og kynna áform sín á málefnalegan og skýran hátt.“

Auk þess er biðlað til stjórnvalda um að framkvæma greiningu á áhrifum boðaðra breytinga á rekstur fyrirtækja og samfélög sem byggja afkomu sína á sjávarútvegi.

„Með þessu móti má tryggja að ákvarðanir um sjávarútveg styðji við sjálfbæra nýtingu auðlinda, efnahagslegan stöðugleika og byggðaþróun í samfélögum eins og Fjarðabyggð. Bæjarráð Fjarðabyggðar leggur því ríka áherslu á nauðsyn þess að stjórnvöld bregðist við með ábyrgum hætti og hefji samtalið. Íslenskur sjávarútvegur er enn ein af grunnstoðum samfélagsins hér á landi og að henni þarf að hlúa en ekki veikja.“

Frétt af mbl.is

Skattahækkun þýðir samdrátt

Tengdar fréttir

Veiðigjöld

Hærra gjald gæti leitt til lokana

• Óásættanlegt að taka atvinnu af öðrum
• Veiðigald á makríl hækkaði um 483%
• Dregur í efa sjálfbærni sjávarútvegsins
• Binda enda á 63 ára útgerðarsögu

» Fleiri tengdar fréttir

Strandveiðar

Óásættanlegt að taka atvinnu af öðrum

• „Þetta er svo mikil bull umræða“
• Binda enda á 63 ára útgerðarsögu
• Rétt að gjalda varhug við strandveiðum
• Telur ekkert svigrúm til mikilla hækkana

» Fleiri tengdar fréttir

• Blogga um frétt