Opnar kvíar bannaðar á vesturströnd BNA
Setja bókamerki
Auðlindaráð Washington-ríkis (Board of Natural Resources) samþykkti í síðustu viku bann við eldi í opnum sjókvíum í ríkinu. Fyrir eru slík bönn í Kaliforníu, Oregon og Alaska, er því með ákvörðuninni búið að banna eldi í opnum sjókvíum á allri vesturströnd Bandaríkjanna.
Ekki verður þó öll strandlengja Norður-Ameríku án sjókvíaeldis. Enn er heimilt að stunda sjókvíaeldi í opnum kvíum í Bresku Kólombíu í Kanada. Til stóð að leggja fyrir kanadíska þingið frumvarp um bann við slíku eldi frá miðju ári 2029, en með afsögn forsætisráðherrans Justin Trudeau er orðin töluverð óvissa um það hvort verður af slíkum áformum.
Löng deila
Deilt hefur verið um í árabil í Washington-ríki um bann við eldi í opnum sjókvíum en greinin hefur upplifað sífellt aukna mótbyr í takti við álitshnekki undanfarin ár. Stærsti skellurinn var líklega árið 2017 þegar 250 þúsund eldislaxar sluppu úr sjókví í Puget-sund.
Fyrst var reynt að setja bann 2022, en það var fellt úr gildi með dómi árið 2023.
„Það er til fólk sem finnst í lagi að líta framhjá áhættunni vegna skammtímagróða,“ hefur Seattle Times eftir Emma Helverson, framkvæmdastjóra Wild Fish Conservancy, sem afhenti ráðinu meira en 3.000 undirskriftir til stuðnings bannsins auk stuningsyfirlýsingar frá fleiri en 180 samtökum.
„Laxinn okkar hefur haft nóg af áskorunum og þarf ekki þessar fóðrunarstöðvar,“ sagði Jeremy Wilbur formaður Swinomish ættbálksins.
Ekki allir fylgjandi
Ekki voru þó allir á einu máli og studdi S´Kallam ættbálkurinn, sem á stóran hlut í eldisfyrirtæki á svæðinu, áframhaldandi sjókvíaeldi þar sem greinin veiti mikilvæg atvinnutækifæri.
John Fiorillo, ritstjóri Intrafish sem hefur aðsetur í Seattle, sagði í leiðara að bannið væri „Vandræðalegt áfall fyrir fiskeldi og matvælaöryggi í Bandaríkjunum“. Telur hann skammtímasýn hafa ráðið för og með ákvörðuninni sé vegið að atvinnugrein sem gæti reynst sífellt mikilvægari á heimsvísu, bannið sé aðeins til þess fallið að stimpla vesturströnd Bandaríkjanna út úr samkeppninni og þróun á sviði fiskeldis.
„Að sjálfsögðu munum við rýna í þennan samning“
Síminn dæmdur til að greiða 400 milljónir
Vill rannsóknarnefnd vegna RÚV
„Þá er tómt mál að tala um lífskjarasókn“
„Það er bara þessi lokahnykkur“
„Fullorðið fólk myndi aldrei sætta sig við svona“
„Allir slakir og rólegir“
Myndarleg aukning eigna lífeyrissjóða