Vetrarmæling Hafrannsóknastofnunar á loðnustofninum er hafin. Lét Barði NK frá bryggju í Neskaupstað klukkan eitt síðdegis í dag og grænlenska skipið Polar Ammassak um hálf þrjú stefna skipin nú á miðin norðaustur af landinu.

Rannsóknaskipið Árni Friðriksson lét frá höfn í Hafnarfirði rétt fyrir átta í morgun en hefur verið í Hvalfirði þar sem fram fer kvörðun, samkvæmt skráningu MarineTraffic. Tafir urðu á vetrarmælingunni vegna viðgerða sem þurfti að gera á skipinu og stóð til að þeim lyki síðastliðinn mánudag og að haldið yrði til loðnumælinga á þriðjudag.

Frétt af mbl.is

Töf á mælingu vegna viðgerðar

Einnig stendur til að Heimaey VE taki þátt í leiðangrinum, en skipið hefur undanfarið verið við bryggju á Þórshöfn og hefur ekki lagt af stað er þetta er ritað.

Nokkur hætta er á að hafís trufli mælingar norðvestur af landinu. Greindi Veðurstofa Íslands frá því síðastliðinn mánudag að meginísrönd á gervitunglamynd mældist í um 65 sjómílna fjarlægð frá Barða þar sem hún var næst landi. Vakin var athygli á að ísspangir og stakir jakar geta verið handan meginlínunnar nær landi.

Einnig getur veður og bræla haft áhrif á mælingar en spáð vonskuveðri komandi helgi.

Hægt er að fylgjast með ferðum skipanna á gagnvirku korti Hafrannsóknastofnunar hér fyrir neðan.

Tengdar fréttir

Loðnuveiðar

„Við urðum örlítið varir við loðnu“

• Töf á mælingu vegna viðgerðar
• Lítið sást til loðnunnar
• Ekkert hefur sést til loðnunnar
• Enga stund að éta 10 milljónir loðna

» Fleiri tengdar fréttir

• Blogga um frétt