Laxey fjárfestir í búnaði frá Marel
Setja bókamerki
Laxey og Marel hafa skrifað undir samning um afhendingu á Marel vinnslu- og hugbúnaði fyrir væntanlegt sláturhús Laxey fyrir landeldislax. Lausnin veitir bæði nákvæma stærðarflokkun og tengingu við stafrænar lausnir Marel sem hámarka rekstrarhagkvæmni, að því er fram kemur í fréttatilkynningu frá Laxey.
Um er að ræða Smartline-flokkara og AXIN hugbúnað Marel. Með hugbúnaðinum getur starfsfólk Laxeyjar stýrt vinnsluferlinu eftir upplýsingum sem kerfið aflar í rauntíma. Gerir hugbúnaðurinn starfsfólkinu þannig kleift að haga framleiðslunni á sem hagkvæmastan máta og jafnframt að bregðast skjótt við vandamálum sem kunna að koma upp. Þá er flokkarinn sagður auka nákvæmni í stærðarflokkun sem og styðja við rekjanleika, gæði og framleiðsluhagkvæmni
„Það skiptir okkur gríðarlega miklu máli að hafa skýra yfirsýn yfir vinnsluna, góðan rekjanleika og geta þannig tryggt hagkvæmni í gegnum öll stig vinnslunnar,” segir Kristmann Kristmannsson verkefnastjóri vinnslu og innkaupa hjá Laxey í tilkynningunni.
Laxey stefnir að framleiðslu á 32 þúsund tonnum af laxi á ári hverju í landeldisstöð þeirra í Vestmannaeyjum. Þegar hefur verið byggð seiðastöð sem er komin í fullan rekstur og senn verður fyrsta áfanga áframeldisins í Viðlagafjöru fullkláraður. Fyrsti seiðaskammtur var fluttur í áframeldið í lok síðasta árs og er fyrsta slátrun áætluð haustið 2025. J
„Að sjálfsögðu munum við rýna í þennan samning“
Síminn dæmdur til að greiða 400 milljónir
Vill rannsóknarnefnd vegna RÚV
„Þá er tómt mál að tala um lífskjarasókn“
„Það er bara þessi lokahnykkur“
„Fullorðið fólk myndi aldrei sætta sig við svona“
„Allir slakir og rólegir“
Myndarleg aukning eigna lífeyrissjóða