Mál skipverjanna fellt niður og rannsókn hætt
Setja bókamerki
Þrír skipverjar Hugins VE eru lausir undan sakamálarannsókn vegna skemmda sem urðu á vatnslögn og ljósleiðara eftir akkeri skipsins í nóvember 2023.
Jóhann Ingi Pétursson, lögmaður yfirstýrimanns, staðfestir það í samtali við mbl.is en yfirstýrimaður hafði stöðu sakbornings ásamt skipstjóra og yfirvélstjóra.
„Umbjóðandi minn hefur haft réttarstöðu sakbornings í rúmt ár þannig að niðurstaðan kom ekki á óvart en auðvitað ákveðinn léttir fyrir hann.“
Óhapp og ekki líklegt til sakfellis
Jóhann segir að ákæruvaldið telji málið þannig vaxið að það sé ekki líklegt til sakfellis. Háttsemin teljist ekki refsiverð og væntanlega sé atvikið talið hafa verið óhapp og þannig hvorki orðið með ásetning né gáleysi.
Mál skipverjanna þriggja hefur verið fellt niður og rannsókn hætt.
Höfða mál
Bæjarráð Vestmannaeyja samþykkti í sumar að fela lögmönnum sínum, í samvinnu við HS Veitur, að höfða mál á hendur Vinnslustöðinni, Hugin ehf og VÍS.
Tjón bæjarins er umtalsvert en farið er fram á bætur sem nema hið minnsta 1,5 milljörðum króna.
Landsmenn hvattir til að búa sig undir neyðarástand
Segir Ingu vega að starfsheiðri sínum
Selenskí kallar eftir auknum þrýstingi á Rússland
Vestlendinga uggir vegna veiðigjalda
Kynna aðgerðir sem varða um 65.000 manns
Blása á allt tal um reynsluleysi
Svona gengur ríkinu að bregðast við ofbeldi barna
Kristrún: Fáheyrt að vinna svona hratt