Vinnslustöðvar samstæðu Síldarvinnslunnar hf. unnu úr 247.670 tonnum á síðasta ári, þar af um 236.070 tonn uppsjávarafli og 11.600 tonn bolfiskafli.

Rifjað er upp í færslu á vef Síldarvinnslunnar að á síðasta ári var loðnunni saknað auk þess sem starfsemin í Grindavík varð fyrir verulegum truflunum vegna náttúruhamfaranna þar.

Árið 2024 var unninn saltfiskur úr tæplega 7.300 tonnum hjá dótturfélaginu Vísi og var hráefnið þorskur, langa, keila og ufsi. Tæplega 5.300 tonn voru unnin í salthúsinu í Grindavík en frá febrúar til maí var unnið úr tvö þúsund tonnum í Helguvík, þar sem komið var á fót saltfiskvinnslu eftir að Grindavík var rýmd.

Fram kemur að vinnsla í frystihúsi Vísis í Grindavik hafi starfsemin verið slitrótt vegna eldsumbrota og jarðhræringa, en tókst að taka á móti 4.300 tonnum til frystingar.

145 þúsund tonn af kolmunna

Fiskiðjuverið í Neskaupstað tók á móti rúmlega 58 þúsund tonnum á árinu. Móttekin síld var 36.772 tonn, móttekinn makríll 19.886 tonn og loðna 1.698 tonn, en loðnan sem um ræðir fékkst af norskum skipum.

Þá tóku fiskimjölsverksmiðjurnar í Neskaupstað og á Seyðisfirði á móti tæplega 178 þúsund tonnum á síðasta ári. Verksmiðjan í Neskaupstað tók á móti 125.714 tonnum og verksmiðjan á Seyðisfirði 52 þúsund tonnum.

„Allur afli sem barst til verksmiðjunnar á Seyðisfirði var kolmunni en verksmiðjan í Neskaupstað tók á móti 93.058 tonnum af kolmunna, 12.964 tonnum af makríl, 18.383 tonnum af síld, 114 tonnum af loðnu og 1.195 tonnum af ýmsum meðafla. Tekið skal fram að engum makríl og engri síld var landað beint í fiskimjölsverksmiðjuna í Neskaupstað heldur kom það hráefni frá fiskiðjuverinu og var einungis fiskur sem flokkaðist frá við manneldisvinnsluna og afskurður,“ segir í færslunni.

Tengdar fréttir

Síldarvinnslan

Jólasíld ársins í fötur

• Samherji tekur Birting á leigu
• Fjölnir til Noregs
• Kaup Síldarvinnslunnar ganga til baka
• Sjóvá og Síldarvinnslan áfram í samstarfi

» Fleiri tengdar fréttir

• Blogga um frétt