Tillaga að 12 þúsund tonna eldi Geo Salmo
Setja bókamerki
Matvælastofnun hefur unnið tillögu að rekstrarleyfi fyrir Geo Salmo hf. vegna landeldi vestan við Þorlákshöfn. Leyfið heimilar 12.160 tonna hámarkslífmassa vegna seiða- og matfiskeldis á laxi, að því er fram kemur í tilkynningu á vef Matvælastofnunar.
Í áliti Skipulagsstofnunar vegna áformaðs laxeldis er fyrst og fremst lýst áhyggjum af áhrifum landeldisstöðvarinnar á grunnvatn.
„Þar skiptir gríðarmiklu að fyrir allt samfélagið í Þorlákshöfn og nágrenni að aldrei komi til þess að aðgengi samfélagsins að fersku neysluvatni verði stefnt í tvísýnu. Skipulagsstofnun telur nokkra óvissu ríkja um áhrif starfseminnar á grunnvatn. En til að mæta þeirri óvissu þurfi að viðhafa mjög umfangsmikla vöktun og skipta uppbyggingu fyrirtækisins í áfanga þar sem áhrif hvers áfanga liggja fyrir áður en ráðist verður í þann næsta,“ segir í álitinu.
Sambærilegt var að finna í áliti stofnunarinnar vegna uppbyggingar Thors landeldi ehf. á sama svæði, en tillaga að rekstrarleyfi fyrir það félag var auglýst í desember síðastliðnum. Er í því tilfelli um að ræða leyfi með 13.150 tonna hámarkslífmassa.
Kallað eftir sameiginlegri vöktun
Fram kemur í áliti vegna áforma Geo Salmo hf. að Skipulagsstofnun telji nauðsynlegt að tekin verði upp sameiginleg vöktun allra fyrirtækja sem starfa á svæðinu vestan Þorlákshafnar.
„Æskilegt er að sú vöktun taki ekki eingöngu til grunnvatns heldur að lágmarki einnig til áhrifa fráveitu á strandsjó og þess lífríkis sem þrífst við ströndina. Þau fyrirtæki sem vinna grunnvatn og/eða eru með eigin fráveitu þurfa að taka þátt í slíku samstarfi. Skipulagsstofnun bendir á sambærilegt fyrirkomulag í kringum iðnaðarsvæðið á Grundartanga. Þar standa fyrirtækin að umfangsmikilli vöktun sem er framkvæmd af utanaðkomandi sérfræðingum samkvæmt umhverfisvöktunaráætlun,“ segir í álitinu.
Magnús Tumi Guðmundsson prófessor hefur meðal annars vakið athygli á því að efla þurfi vöktun á áhrifum landeldis á grunnvatn.
Sviptur leyfi eftir hundamisnotkun
„Það þarf einhverja viðhorfsbreytingu“
Tillögu um styttri kjarasamning ekki svarað
Bráðabirgðalögbann á Trump
Pabbi gafst bara upp
Afleit aðstaða varðar þjóðaröryggi
Gætu verið án rafmagns í viku
Kallar eftir algjörri breytingu á heilbrigðiskerfinu