Ekki sérstakt markmið að vera efst
Setja bókamerki
„Systurskipin eru að verða átta ára gömul og hafa þau reynst okkur afskaplega vel, enda var vandað til allra verka við smíði þeirra og viðhald hefur alltaf verið með ágætum. Síðast en ekki síst eru skipin vel mönnuð, valinn maður er í hverju plássi á öllum skipum félagsins,“ segir Kristján Vilhelmsson, framkvæmdastjóri útgerðarsviðs Samherja, í færslu á vef útgerðarinnar.
Er þar vakin athygli á því að systurskipin Kaldbakur EA 1, Björgúlfur EA 312 og Björg EA 7 eru efst á lista yfir aflahæstu togara ársins 2024.
Var aflahæsti togarinn Kaldbakur með 8.933 tonna afla á síðasta ári. Í öðru sæti var Björgúlfur með 8.687 tonn og í þriðja sæti var Björg með 8.186, en Aflafréttir tóku saman listan.
„Í sjálfu sér er ekki sérstakt markmið að vera í efstu sætum á þessum listum, verkefnið er fyrst og fremst að koma á tilsettum tíma með góðar afurðir til vinnslu,“ segir Kristján.
Hann útskýrir að „hráefnisstýring er stór þáttur í starfsemi sjávarútvegsfyrirtækja, þar sem veiðar, vinnsla og sala afurða fara saman. Til þess að sjá vinnslunum fyrir hráefni, þurfa skipin að landa sex til sjö sinnum í viku, sem þýðir í raun að þau landa stundum tvisvar sinnum í sömu vikunni. Stýring veiða getur því á köflum verið nokkuð flókin. Okkur tókst að halda vinnslunum gangandi alla daga ársins nema tvo vegna óveðurs, enda kallar markaðurinn eftir stöðugu framboði.“
Togarar félagsins sjá landvinnslum samstæðunnar á Akureyri og Dalvík fyrir hráefni. Þar starfa um þrjú hundruð manns. Sjómenn á skipum Samherja eru samtals um tvö hundruð, en tvöföld áhöfn er á hverju skipi.
Enginn vítissódi fer í sjóinn í Hvalfirði
Ný skýrsla HMS bendir á sláandi kostnað
Skoða lækkun hámarkshraða til að bæta öryggi
„Grátið í pontu fyrir framan alþjóð“
„Áfall þegar við komumst að því hvar þessi leki kom upp“
Embættið opnaði skjalageymsluna
Er búinn að grafa upp „fullgildar skýringar“
/frimg/1/56/70/1567066.jpg)
Margrét tímabundinn lögreglustjóri