Gekk illa að elta uppi ufsa og karfa

Það reyndist erfitt að finna ufsa og karfa í nýafstaðinni veiðiferð ísfisktogarans Gullvers NS. Hann kom til Seyðisfjarðar í morgun með 113 tonn. Aflinn er að mestu þorskur, að því er segir í færslu á vef Síldarvinnslunnar.

„Við byrjuðum í ýsu og þorski á Glettinganesflaki og síðan á Digranesnesflaki. Þá var haldið suður á bóginn með viðkomu á Skrúðsgrunni. Leitað var að ufsa frá Berufjarðarál og allt vestur á Stokksnesgrunn með litlum árangri. Það reynist okkur erfitt að ná í ufsa og reyndar einnig karfa þó talsvert sé reynt. Í þessum túr var veður með betra móti öfugt við túrinn á undan en þá var veðrið hundleiðinlegt,” segir Hjálmar Ólafur Bjarnason, skipstjóri á Gullver, í færslunni.

fram kemur að Gullver haldi til veiða á ný nú síðdegis.

• Blogga um frétt