Telur samfélagið verða af tekjum
Setja bókamerki
Markmiðið ríkisstjórnarunnar um að auka tekjur ríkissjóðs, greiða niður skuldir og bæta efnahagsstöðu landsins samræmist ekki stefnu um auknar strandveiðar.
Þetta sagði í aðsendri grein Pálma Gauta Hjörleifssonar, atvinnusjómanna og varaformanns Félags skipstjórnarmanna, sem birt var í Morgunblaðinu síðastliðinn föstudag.
Sagði hann strandveiðarnar hafa tekjur af bæði atvinnusjómönnum sem og sveitarfélögum og ríki.
„Á síðustu tveimur árum hefur meðalverð á strandveiðifiski verið mun lægra en á fiski sem kemur úr aflamarkskerfinu. Þetta meðalverð sem myndast á fiskmörkuðum vegna strandveiðifisks hefur bein áhrif á verðmyndun í föstum viðskiptum milli útgerða og sjómanna og dregur þannig úr tekjum sjómanna sem starfa innan aflamarkskerfisins,“ sagði í grein Pálma.
„Lægra fiskverð á mörkuðum þýðir einnig lægri skatttekjur fyrir ríkissjóð – ekki aðeins vegna strandveiðifisks heldur einnig vegna lægri launa sjómanna í aflamarkskerfinu eftir að strandveiðum lýkur. Aukinn útflutningur á óunnum fiski þýðir jafnframt færri störf í fiskvinnslu, sem veldur enn frekara tekjutapi fyrir ríkið.“
Þá vakti Pálmi Gauti athygli á því að skatthlutfalla sjómanna á strandveiðum sé um 15% en 34-36% hjá sjómönnum í aflamarkskerfinu. „Með öðrum orðum er ríkið í raun að niðurgreiða strandveiðar með skertum skatttekjum á kostnað annars sjávarútvegs.“
„Við verðum að átta okkur á því að eitt tonn af fiski er og verður alltaf eitt tonn af fiski – það skiptir ekki máli hvernig eða á hvaða bát það er veitt. Ef kvóti er aukinn í strandveiðum er hann á endanum tekinn af þeim sem starfa í aflamarkskerfinu, sem leiðir til lægri launa sjómanna í aflamarkskerfinu, minni skatttekna fyrir ríkissjóð og lægri útflutningsverðmæta,“ sagði Pálmi Gauti.
Grein Pálma Gauta Hjörleifssonar má lesa í heild sinni hér.
Bandaríkin segja Póllandi að þakka fyrir sig
Ríkisstjórn í fæðingu: Vilja efla landamæraeftirlit
Kvarta undan háttsemi Storytel
„Það er nokkuð vandasöm vinna“
Skorar á Gísla að segja frá fundi
Gæti gosið í kringum 20. mars
Telja sig starfa hjá löglegum fyrirtækjum
Skemmdarverk unnin á golfvelli Trumps í Skotlandi