60 tonn af afla Huldu til Vísis

Nýjasta skip flotans, ísfisktogarinn Hulda Björnsdóttir GK frá Grindavík, landaði í Hafnarfirði þriðjudag. Fór allur þorskur og ýsa sem skipið landaði til vinnslu hjá Vísi í Grindavík.

Um var að ræða 60 tonn en annar afli skipsins var seldur á markaði, að því er fram kemur í færslu á vef Síldarvinnslunnar

Þar segir að af þeim afla sem Vísir tók við fór stórfiskurinn til saltfiskverkunar en smærri fiskur var flakaður og frystur. Grein er frá því að fiskurinn þótti góður í alla staði og að vel hafi gengið að vinna hann.

„Samvinna eins og þessi er til fyrirmyndar og mikilvæg fyrir Grindavík. Óveðrið að undanförnu hefur haft áhrif á veiðar og það var þörf á því að fá afla til vinnslu frá öðrum en okkar eigin skipum. Aflinn sem kom frá Huldu Björnsdóttur í gær kom sér vel og mikilvægt er að Grindvíkingar vinni saman í framtíðinni,“ er haft eftir Pétri Hafsteini Pálssyni, framkvæmdastjóra Vísis.

Hulda Björnsdóttir kom til landsins á síðasta ári og er nýjasti togari landsins.

Frétt af mbl.is

Gáttaðir á því hvað Hulda er gott sjóskip

• Blogga um frétt