Fylltu á 31 klukkutíma

„Við fengum allan aflann á Höfðanum og stoppuðum þar í einungis 31 klukkustund. Það var kaldafýla allan tímann á meðan við vorum að veiðum en við fengum hins vegar gott veður á landleiðinni,“ segir Birgir Þór Sverrisson, skipstjóri á Vestmannaey VE, í færslu á vef Síldarvinnslunnar.

Togarinn landaði fullfermi í Neskaupstað í gær.

„Þetta var mest stór þorskur en einnig góð ýsa. Það er oft svona fisk að fá á Höfðanum. Þarna var um vertíðarfisk að ræða, hann var hrognafullur. Það var engin loðna í fiskinum þarna en hins vegar var sandsíli í honum. Við sáum aftur á móti loðnu út af Eystra Horni, þar voru dágóðir loðnuflekkir. Þessi túr var sem sagt stuttur og góður hjá okkur en við vorum fyrsta skipið sem veiddi á Höfðanum eftir bræluna. Þau skip sem komu á eftir okkur fengu lítið og leituðu fljótt á önnur mið,“ er haft eftir Birgi Þór.

• Blogga um frétt