Stjórn Samtaka fyrirtækja í sjávarútvegi (SFS) telja að fyrirætlanir ríkisstjórnarinnar í sjávarútvegsmálum ógni forsendum langtímakjarasamninga við sjómenn og landverkafólk.

Þetta kemur fram í yfirlýsingu stjórnar SFS þar sem hún lýsir áhyggjum af rekstrarskilyrðum greinarinnar og telur að vegið sé að samkeppnishæfni hennar.

„Þrátt fyrir áherslu í orði á aukna verðmætasköpun lykilatvinnuvega í stefnuyfirlýsingu nýrrar ríkisstjórnar virðast fáar aðgerðir eða hugmyndir liggja þar að baki. Með því að vega að samkeppnishæfni atvinnugreinar sem leggur þung lóð á vogarskálar hagvaxtar og góðra lífskjara hér á landi er leiðin vörðuð að minni ávinningi samfélagsins af nýtingu sjávarauðlindarinnar,“ segir í yfirlýsingunni.

Kostnaði ekki velt út í verð

Lýsir stjórnin sem fyrr segir áhyggjum af rekstrarskilyrðum í sjávarútvegi sem og „fyrirætlunum stjórnvalda um verulegar breytingar er lúta að atvinnugreininni. Aukning strandveiða, hækkun veiðigjalds, hækkun kolefnisgjalds og frekari takmarkanir á eignarhaldi þyngja verulega róðurinn. Sjávarútvegur keppir á útivelli í erfiðri alþjóðlegri samkeppni, við ríkisstyrktan sjávarútveg annarra þjóða, og hefur þar enga stöðu til þess að velta kostnaðarhækkunum heima fyrir út í verð afurða. Fram hjá þessari stöðu má ekki horfa.“

Þá er sagt „umhugsunarefni að langtímakjarasamningar hafa verið gerðir við bæði sjómenn og landverkafólk, í krafti þess að aukin verðmætasköpun og framleiðni geti staðið undir skuldbindingum samninganna. Þær forsendur kunna að bresta ef kynntar fyrirætlanir ríkisstjórnar ganga eftir.“

Tengdar fréttir

Fiskveiðistjórnunin

„Ég er á margan hátt nokkuð bjartsýnn“

• Dregur í efa sjálfbærni sjávarútvegsins
• Binda enda á 63 ára útgerðarsögu
• Hvert kíló skilar Íslendingum mun meira
• Lítil samþjöppun aflaheimilda

» Fleiri tengdar fréttir

Strandveiðar

Eigendur strandveiðibáta leiti leiguliða

• Gerir ráð fyrir því að Sigurjón meti sína hagsmuni
• „Þau horfa á þetta allt öðrum augum“
• Telur samfélagið verða af tekjum
• Ríkisstjórnin skuldar svör

» Fleiri tengdar fréttir

• Blogga um frétt