Útflutningsverðmæti eldisafurða var átta milljarðar króna í janúar og er mánuðurinn næststærsti útflutningsmánuður eldisafurða i sögu fiskeldis hér á landi. Um er að ræða 22% aukningu drá janúar í fyrra í krónum talið en 24% á föstu gengi, að því er fram kemur á Radarnum.

Þar er rýnt í fyrstu bráðabirgðatölum um vöruskipti í janúar sem Hagstofan birti í síðustu viku.

Mynd/Radarinn

Vakin er athygli á því að verðmæti vöruútflutnings í heild var 21% meira í janúar síðastliðnum en í sama mánuði í fyrra.

„Hlutdeild fiskeldis í verðmæti vöruútflutnings fór því  úr 8,3% í 8,6% milli ára í janúar, enda er aukning fiskeldis umfram aðra liði vöruútflutnings. Útflutningsverðmæti sjávarafurða var svo til óbreytt á milli ára í janúar. Vægi eldisafurða í útflutningsverðmæti sjávarafurða nam því tæplega 28% en það hefur aldrei verið hærra í einum mánuði.“

Mynd/Radarinn

Tengdar fréttir

Fiskeldi

Greiddu 1.471 milljón í eldisgjald

• Laxey heldur áfram að fjárfesta
• Hagnaður af rekstri Arctic Fish jókst
• 854 milljóna rekstrartap hjá Arnarlaxi
• Fjórði seiðaflutningurinn í Eyjum

» Fleiri tengdar fréttir

• Blogga um frétt