Örn Páls­son, fram­kvæmda­stjóri Lands­sam­bands smá­báta­eig­enda, tel­ur ástæðulaust að ótt­ast aukn­ar strand­veiðar og seg­ir í grein sem birt var í Morg­un­blaðinu um helg­ina frek­ar ástæðu til að fagna fyr­ir­heit­um rík­is­stjórn­ar­inn­ar um að tryggja öll­um strand­veiðibát­um 48 veiðidaga í sum­ar.

Vís­ar Örn dóms­dags­spám þeirra sem gagn­rýna áform stjórn­valda á bug.

„Sjáv­ar­út­vegsum­ræðan þessa dag­ana og svo oft áður snýst um smá­báta. For­ystu­menn Sam­taka fyr­ir­tækja í sjáv­ar­út­vegi og Fé­lagi skip­stjórn­ar­manna hafa varað stjórn­völd við því að auka veiðiheim­ild­ir til strand­veiða og fara þannig gegn vilja 72,3% þjóðar­inn­ar, “ skrif­ar hann.

Bend­ir hann á að því hafi verið haldið fram að með 48 veiðidög­um munu strand­veiðibát­ar tvö­falda hlut sinn í veiðum á bol­fiski, landa um tutt­ugu þúsund tonn­um og­bát­ar á veiðum verði þúsund.

Jafn­framt sé haldið fram af and­stæðing­um áforma rík­is­stjórn­ar­inn­ar að af­leiðing­arn­ar verði meðal ann­arstapað afla­verðmæti fyr­ir þjóðarbúið á bil­inu þrír til fjór­ir millj­arðar og gerð verði krafa um sí­fellt stærri hlut afla­heim­ilda til strand­veiða.

Frétt af mbl.is

Tel­ur sam­fé­lagið verða af tekj­um

Strand­veiðar tak­mörk­un­um háðar

„Lát­um ekki blekkj­ast,“ seg­ir Örn um þess­ar spár og bend­ir á að strand­veiðar sæta fjöl­mörg­um tak­mörk­un­um sem ger­ir það að verk­um að ekki þarf að tryggja veiðunum mikl­ar afla­heim­ild­ir til að all­ir bát­ar fá 48 veiðidaga.

„Nátt­úru­öfl­in bíta þá harðar en stærri skip, nán­ast ekki hægt að stunda hand­færa­veiðar hjá meg­in­hluta bát­ana þegar hvítt er í öldu. Tak­markað veiðisvæði sem hægt er að renna fyr­ir fiski þar sem hver róður má ekki vara leng­ur en 14 klukku­stund­ir frá því farið er úr höfn og komið til lönd­un­ar.“

„Dag­arn­ir 48 deil­ast jafnt á mánuðina maí, júní, júlí og ág­úst. Þann 5. maí verður heim­ilt að fara í fyrsta róður. Leyfi­leg­ir dag­ar eru 4 í viku, mánu­dag­ur-fimmtu­dags, alls 15 í maí. Það verður því að telja afar ólík­legt að marg­ir nái að fara í 12 róðra. Ónýtt­ir dag­ar fær­ast ekki milli mánaða,“ út­skýr­ir hann.

Grein­ina má lesa í heild sinni hér.

Tengd­ar frétt­ir

Strand­veiðar

Sátt­ur við af­nám stöðvun­ar­heim­ild­ar

• Legg­ur fram frum­varp til að tryggja 48 daga
• „Meiri ró yfir sókn­inni hjá mönn­um“
• Afla­töl­ur fyr­ir áhrif­um kerfis­villu
• Hjón­in sam­an á strand­veiðum

» Fleiri tengd­ar frétt­ir

• Blogga um frétt