„Hef aðeins meira vit á sauðfjárbúskap“
Setja bókamerki
„Mig langaði að fá að leggja orð í belg í þessari umræðu um strandveiðar, og ég geri það meira kannski af einhverju svona menningarlegum ástæðum heldur en mikilli þekkingu á fiskveiði eða fisktegundum eða nýtingu fiskstofna.“
Þannig hófst ræða Jóns Gnarrs þingmanns Viðreisnar á alþingi í dag í sérstakri umræðu um strandveiðar og tekjur hins opinbera af sjávarútvegi.
Hélt Jón áfram: „Ég gæti ekki svarað því hvað er djúpsjávarfiskur þó ég heyri þetta orð oft. Ég hef aðeins meira vit á sauðfjárbúskap. Veit til dæmis hvað broddskita er og hef séð hana. “
„Varðandi strandveiðar finnst mér svo mikilvægt, og það er mikilvægt, að við séum meðvituð um hvað strandveiðar, hvað trillukarlinn — sem er fullorðinn vissulega, Árni Tryggvason var landþekktur trillukarl — hvað trillukarlinn er mikill hluti af íslenskri þjóðmenningu og íslenskum raunveruleika. Það er kannski ekki mikil hagkvæmni af honum, en hann er samt mikilvægur.“
„Eins og bent hefur verið á í tengslum við sauðfjárbúskap að það getur verið mun hagkvæmara að flytja inn lambakjöt frá Nýja Sjálandi í stað þess að rækta kindur hér á landi, en það er bara ekki aðal málið.“
Tilkynningum um nauðgun fjölgar
Látinn eftir líkamsárás í Samtúni
Hyggjast hætta öllu flugi til Norður-Ameríku
Rannsaka tildrög banaslyssins í Brúará
Allar tiltækar björgunarsveitir taka þátt í leitinni
Stórgræddi á sölu íbúðarinnar til sendiráðsins
Greiða fyrir kennitölur og villa á sér heimildir
Aðskilin frá móður sinni í tvö ár: „Góða nótt“