Kald­vík slátraði um 15.000 tonn­um af laxi úr kví­um sín­um á Aust­fjörðum á ár­inu 2024 sem er um­tals­verð aukn­ing frá ár­inu á und­an, þegar fé­lagið slátraði um 4.400 tonn­um. Þá námu tekj­ur árs­ins um 108 millj­ón­um evra að jafn­v­irði rúm­lega 16 millj­arða króna.

Þetta má lesa úr upp­gjöri Kald­vík­ur vegna fjórða árs­fjórðungs 2024.

Fram kem­ur að 6.668 tonn­um var slátrað í fjórðung­um og tekj­ur voru tæp­lega 47 millj­ón­ir evra. Fé­lagið greiddi 1,8 millj­ón­ir evra í eld­is­gjald á fjórðungn­um og sam­tals 3,9 millj­ón­ir evra á ár­inu, sem jafn­gild­ir rúm­lega 578 millj­ón­um króna. Rekstr­ar­hagnaður (EBIT), leiðrétt­ur fyr­ir ein­skipt­is niður­færslu líf­massa, nam 5 millj­ón­um evra á fjórða árs­fjórðungi. Leiðrétt­ur rekstr­ar­hagnaður á hvert fram­leitt kíló var því 0,76 evr­ur.

Fé­lagið reikn­ar með að slátra um 5.500 tonn­um á fyrsta árs­fjórðungi 2025 og árs­fram­leiðslan verði um 21.500 tonn. Til lengri tíma er mark­mið fyr­ir­tæk­is­ins að auka ár­lega fram­leiðslu í 30.000 tonn. Fé­lagið hef­ur nú leyfi til fram­leiðslu á tæp­lega 44.000 tonn­um.

23 millj­óna evra niður­færsla

Fé­lagið þurfti að gera niður­færslu á líf­massa upp á 23,1 millj­ón evra(eða um 3,3 millj­arða króna)

„Seiðaút­setn­ing fyr­ir­tæk­is­ins á fjórða árs­fjórðungi gekk ekki eins og áætlað var, aðallega vegna óvenju lágs sjáv­ar­hita ásamt ófyr­ir­séðu at­viki í flutn­ingi. Lág­ur sjáv­ar­hiti hafði einnig nei­kvæð áhrif á aðrar staðsetn­ing­ar fyr­ir­tæk­is­ins, og olli aukn­um dauði fiska,“ seg­ir, Ró­bert Ró­berts­son fjár­mála­stjóri Kald­vík­ur í sam­tali við mbl.

Ró­bert seg­ir óvenju lágt hita­stig sjáv­ar á fjórða árs­fjórðungi 2024 og fyrsta árs­fjórðungi þessa árs hafi leitt til auk­inna vetr­arsára og hærri dán­artíðni. 

„Þessi aukna dán­artíðni í fjórða árs­fjórðungi og vænt dán­artíðni fyrsta árs­fjórðungi er hluti af niður­færsl­unni og end­ur­spegl­ast það í töl­um fyr­ir árið 2024,“ seg­ir Ró­bert.

Ró­bert Ró­berts­son fjár­mála­stjóri Kald­vík­ur. Morg­un­blaðið/​Eggert

Ætla að kaupa kassa­verk­smiðju

Viðræður um kaup á lyki­leign­um í virðiskeðju Kald­vík­ur standa enn yfir að sögn Ró­berts. Um sé að ræða kassa­verk­smiðju og þriðungs­hlut­ur í slát­ur­húsi Bú­landstinds ehf., en fé­lagið á þegar 67% í slát­ur­hús­inu. 

Hann seg­ir mark­miðið sé að styrkja starf­semi Kald­vík­ur á svæðinu ásamt auka hag­kvæmni í fram­leiðslu­ferl­inu. 

„Við von­umst eft­ir tölu­verðum ávinn­ingi fyr­ir Kald­vík með þess­um viðskipt­um þar sem við áætl­um að umbúðakostnaður minnki um u.þ.b. 3 millj­ón­ir evra ár­lega, miðað við 20.000 tonna fram­leiðslu. Þessi vænti ávinn­ing­ur mun síðan aukast með auk­inni fram­leiðslu hjá Kald­vík," seg­ir Ró­bert. 

Áætlað kaup­verð fyr­ir kassa­verk­smiðjuna og eft­ir­stand­andi hlut í Bú­landstindi nem­ur 190 millj­ón­um norskra króna, jafn­v­irði 2,3 millj­arða ís­lenskra króna. Ró­bert seg­ist gera ráð fyr­ir að kaup­in gangi í gegn á fyrsta árs­fjórðungi þessa árs.

Nýtt leyfi í Seyðis­firði

Ró­bert seg­ir nýja leyfið í Seyðis­firði hafi tekið tölu­verðan tíma en það fel­ur í sér 10.000 tonna há­marks leyfi­leg­an líf­massa(MAB). Sem skipt­ist í 6.500 tonn fyr­ir frjó­an fisk og 3.500 tonn fyr­ir ófrjó­an fisk. 

„Þetta er búið að taka tölu­verðan tíma, en við hóf­um um­sókn­ar­ferlið árið 2016. Það var svo núna í des­em­ber sem drög að leyf­um voru aug­lýst og nú er MAST og UST að fara yfir þær um­sagn­ir sem bár­ust og við bú­umst við að leyfið verði gefið út á öðrum árs­fjórðungi þessa árs,“ seg­ir Ró­bert. 

Ró­bert seg­ir að Kald­vík standi jafn­framt í viðræðum við lán­veit­end­ur sína um end­ur­fjármögn­un til að tryggja hag­kvæm­ari og stöðugri fjár­mögn­un til framtíðar. 

„Í ljósi þess að nú­ver­andi sam­bankalán renn­ur út í apríl á næsta ári, er Kald­vík í viðræðum við lán­veit­end­ur. Við stefn­um á að end­ur­fjármögn­un­in muni ljúka fyr­ir lok ann­ars ár­fjórðungs á þessu ári," seg­ir Ró­bert. 

Tengd­ar frétt­ir

Fisk­eldi

Vilja tak­marka er­lent eign­ar­hald í eldi

• Daní­el tek­ur við for­stjóra­stöðunni
• Tókst að ljúka 34 millj­arða fjár­mögn­un
• Rann­sókn á ólög­legu fisk­eldi miðar vel
• Nýtt há­tækni­vopn gegn erfðablönd­un

» Fleiri tengd­ar frétt­ir

• Blogga um frétt