„Ég tel einboðið að íslensk stjórnvöld setji verulegar takmanir á notkun þessa búnaðar eða banni hann með öllu,“ segir Jóhann Páll Jóhannsson umhverfis-, orku- og loftslagsráðherra í samtali við Morgunblaðið, spurður hvort hann hyggist setja takmarkanir um notkun vothreinsibúnaðar í skipum sem dælir menguðu skolvatni í sjó.

Frétt af mbl.is

Fleiri banna búnað sem Ísland leyfir

Þeim ríkjum sem setja takmarkanir á notkun slíks búnaðar fer fjölgandi eins og fram kom í 200 mílum Morgunblaðsins nýverið, en Danir og Svíar hafa ákveðið að banna notkun þessa búnaðar í landhelgi sinni frá 1. júlí nk. Bann hefur þegar gengið í gildi í Finnlandi. Þá sætir notkun vothreinsibúnaðar takmörkunum í Noregi, en alls hafa 46 ríki lagt bann við eða takmarkað notkun búnaðarins á sínum hafsvæðum.

Frétt af mbl.is

Svíar banna einnig búnað sem Íslendingar leyfa

Jóhann Páll segir að þegar sé hafin vinna í ráðuneytinu sem miði að því að taka á þessu máli, þ.e. banni við losun skolvatns úr vothreinsibúnaði við Íslandsstrendur. 

Bendir hann á að slíkur búnaður sé ekki um borð í fiskiskipum við Ísland og því sé það ekki vandamál, en skoða þurfi flutninga- og skemmtiferðaskip. 

Nánar er fjallað um málið í Morgunblaðinu í dag.

Tengdar fréttir

Mengandi hreinsibúnaður skipa

Fleiri banna búnað sem Ísland leyfir

• Svíar banna einnig búnað sem Íslendingar leyfa
• Skora á Guðlaug að virkja bann tafarlaust
• Sætir takmörkunum í 37 ríkjum
• Banna mengandi búnað sem leyfður er á Íslandi

» Fleiri tengdar fréttir