Arnarlax hefur lagt fram umhverfismatsskýrslu vegna áforma um aukið sjókvíaeldi í Arnarfirði. Snúast áformin um að auka hámarkslífmassa úr 11.500 tonnnum í 16.000 tonn.

Þetta kemur fram í tilkynningu á vef Skipulagsstofnunar.

Gert er ráð fyrir að samhliða framleiðsluaukningunni verði gerð umtalsverð stækkun á eldissvæðunum við Hlaðsbót, Kirkjuból, Hringsdal, Tjaldanes og í Fossfirði. Stefnt er að því að eldissvæðin þekji 29 ferkílómetra en þekja nú 5,9 ferkílómetra.

„Markmið breytinga á eldissvæðum er að bæta eldisskilyrði, minnka umhverfisáhrif eldisins ásamt því að bæta velferð eldisfiska. Í umhverfismatinu er lagt mat á áhrif breytinga á framkvæmd á umhverfisþættina ástand sjávar, botndýralíf, fugla, laxfiska m.t.t. sjúkdóma, laxalúsar og erfðablöndunar, rækjustofn og önnur krabbadýr, ásýnd og haf- og strandnýtingu,“ segir í umhverfismatsskýrslunni.

Telja áhrif á erfðabköndun óveruleg

Fram kemur að áhrif breytinganna séu metin nokkuð neikvæð á ásýnd, óveruleg til nokkuð neikvæð á rækjustofn og önnur krabbadýr og á haf- og strandnýtingu. Jafnframt eru áhrif á ástand sjávar, botndýralíf, fugla og villta laxfiska með tilliti til sjúkdóma og laxalúsar metin óveruleg.

„Áhrif á erfðablöndun við villta stofna laxfiska, sem falla undir áhættumat erfðablöndunar, eru metin óveruleg. Að því gefnu að slysasleppingar séu stakir viðburður eða sjaldgæfir eru áhrif lífmassaukningar á erfðablöndun við litla laxastofna í ám Arnarfjarðar og annars staðar á Vestfjörðum, sem ekki falla undir áhættumat erfðablöndunar, metin óveruleg til nokkuð neikvæð.“

Þá telur Arnarlax að fyrirhugaðar breytingar sé ekki líkleg til að hafa umtalsverð umhverfisáhrif sé tekið tillit til móvægisaðgerða fyrirtækisins.

Eldissvæði Arnarlax í Arnarfirði og stækkun þeirra. Skjáskot

Tengdar fréttir

Fiskeldi

Kaldvík ætlar að framleiða 21.500 tonn

• Greiddu 1.471 milljón í eldisgjald
• Laxey heldur áfram að fjárfesta
• Hagnaður af rekstri Arctic Fish jókst
• 854 milljóna rekstrartap hjá Arnarlaxi

» Fleiri tengdar fréttir

• Blogga um frétt