Barði NK, uppsjávarskip Síldarvinnslunnar, og grænlenska skipið Polar Amaroq hafa verið á miðunum norður af landinu að leita uppi síðustu örfáu loðnurnar sem skipin mega veiða þennan veturinn.

Barði er nú staddur út af Tröllaskaga og stefnir til austurs, en Polar Amaroq tók einn snúning í Skagafirði og stefnir nú út úr firðinum.

Það hefur vakið nokkra athygli að skipin voru að, að því er virtist á kortum, kasta á miðunum norður af Húnaflóa. Gunnþór Ingvason forstjóri Síldarvinnslunnar upplýsir að Barði hafi verið að sækjast eftir síðustu 200 tonnunum til að klára loðnukvótann, auk þess sem Polar Amaroq hafi verið að reyna að þeim 500 tonnum af loðnu sem skipið er með heimildir fyrir.

Barði NK hefur verið að reyna að ná síðustu 200 tonnunum af loðnu á þessari vertíð. Ljósmynd/ Helgi Freyr Ólason.

Samkvæmt skráningu Fiskistofu hafa íslensku skipin landað 4.373 tonn af loðnu en fengu 4.682 tonna loðnukvóta úthlutað. Það er því ekki mikið sem útaf stendur.

Þá fengu Grænlendingar 18% af 8.589 tonna loðnukvóta ársins í samræmi við fiskveiðisamninga Íslands og Grænlands (1.546 tonn), auk þess sem Grænlendingar fengu veiðiheimildir vegna umframveiðiskuld Íslendinga frá vertíðinni 2022/2023. Það sem af er vetri hafa grænlensk skip landað 2.246 tonnum af loðnu.

Tengdar fréttir

Loðnuveiðar

Öll von um meiri loðnu úti

• Ríflega helmingur loðnunnar til Íslands
• „Þetta var ekki stóra vertíðin“
• Gefa Norðmönnum 1% loðnukvótans
• Halda til loðnuveiða á örvertíð

» Fleiri tengdar fréttir

• Blogga um frétt