Íslenskur sproti verðlaunaður í Noregi
Setja bókamerki
Íslenska sprotafyrirtækið Greenfish hlaut í gær nýsköpunarverðlaun sjávarafurða 2025, Seafood Innovation Award, að því er fram kemur í tilkynningu á vef verðlaunanna. Verðlaunin voru afhent við hátíðlega athöfn á málþingi sjávarfangsfyrirtækja á Norður-Atlantshafi, North Atlantic Seafood Forum (NASF), sem haldið er árlega í Bergen í Noregi.
Fjöldi félaga voru tilnefnd til verðlaunanna en sjö voru valin í úrslitakeppni. Sigurvegarinn var valinn bæði af dómnefnd og í kosningu meðal fundargesta að lokinni kynningu á verkefnum fyrirtækjanna.
Greenfish nýtir gervigreindarlíkön sem keyrð eru á ofurtölvum með gervihnattagögnum til að gera spá átta daga fram í tímann um staðsetningu afla, magn, gæði og aflasamsetningu á hafkorti.
Verðlaununum fylgir þúsund norskar krónur, jafnvirði um 314 þúsund íslenskra króna, auk sérsniðins frumkvöðlastuðning á lykilsviðum eins og stefnumótun, markaðssetningu og viðskiptaþróun.
Nýverið var greint frá því að Greenfish hefði hafið samstarf við eina af stærstu útgerðum Bandaríkjanna.
Hættulegum afbrotamanni vísað brott
Leikskólar fyrst og fremst fyrir börn, ekki foreldra
„Mér fannst rosalega gaman að slást“
Óþekkt skip á ferð við landið
Engar fundargerðir síðasta misserið
Trump ekki tilnefnt sendiherra