Tollar Trumps Íslendingum hagstæðir?
Setja bókamerki
Samkeppnisstaða kanadískra sjávarafurða mun skerðast vegna innflutningstolla Donalds Trumps forseta Bandaríkjanna og það sama mun gerast fyrir evrópskar afurðir ef tollar verða settar á ríki Evrópusambandsins. Ríki sem framleiða sjávarafurðir en verða ekki fyrir tollum bandarískra yfirvalda munu hins vegar sjá stöðu sína bætta á Bandaríkjamarkaði.
Það verður þó skammgóður vermir því verðhækkanir sem verða á mörkuðum geta hæglega dregið úr eftirspurn sem mun auka samkeppni á öðrum mörkuðum.
Þetta segir Philip Scrase, yfirmaður greiningardeildar Kontali á sviði fiskeldis, í vikulegri markaðsgreiningu sem er til umfjöllunar hjá Fishfarmingexpert.
Hann segir ljóst að tollar bandarískra yfirvalda munu trufla flæði viðskipta, verðmyndun og breyta markaðsaðstæðum á heimsvísu.
Neysluverð hækki um 10%
Innflutningstollarnir sem settir hafa verið á Kanada (25%) og boðaðir tollar á Evrópusambandið munu til skemmri tíma bæta samkeppnisstöðu eldislax frá Síle og Noregi. „Hærri tollar munu leiða til hækkandi verðs á laxi í Bandaríkjunum, sérstaklega fyrir vörur sem ekki er auðvelt að skipta út,“ segir Scrase.
Ætla má að þessi áhrif munu einnig ná til íslenskra sjávarafurða, þar sem Ísland er í sambærilegri stöðu og Noregur.
/frimg/1/54/80/1548031.jpg)
Scrase segir hins vegar ávinninginn af hærra verði kunna snúast í andhverfu sína.
„Jafnvel þegar Noregur og Chile stíga inn til að auka framboð í Bandaríkjunum, munu hærri tollar hækka neysluverð – hugsanlega um allt að 10% – á sama tíma og alþjóðlegt viðskiptaflæði endurmótast. Komi til víðtækra tollahækkana mun eftirspurn í Bandaríkjunum minnka og afurðum verður beint til Evrópu og Asíu, sem eykur samkeppni og þrýstir á verð.“
Háð umfangi
Nýverið var greint frá því að þingmaðurinn Clay Higgins frá Louisiana hafi hvatt Trump til að leggja 100% innflutningstoll á sjávarafurðir, sérstaklega frá Kína, Ekvador, Víetnam, Indlandi og Indónesíu.
Scrase vekur þó athygli á því að þróunin mun vera háð því hversu háir og umfangsmiklir hugsanlegir tollar verða.
Tollarnir geta leitt til þess að innlend framleiðsla í Bandaríkjunum aukist, en það kallar á umtalsverðar fjárfestingar og uppbyggingu nýrra framleiðslustöðva. Slíkar breytingar taka þó langan tíma að sögn Scrase sem telur markaðina þurfa þó nokkurn tíma til að ná jafnvægi.
Allt að 200 dauðsföll rakin beint til sjúkdómsins
Trump ekki tilnefnt sendiherra
„Engar vísbendingar um að þessu sé að ljúka“
Hefur rætt við Hegseth og vill tala við Rubio
Íhuga að óska eftir áfrýjunarleyfi til Hæstaréttar
Dró sér 40 milljónir úr dánarbúi móður sinnar
Leikskólar fyrst og fremst fyrir börn, ekki foreldra
Þyrla kölluð út vegna alvarlegs umferðarslyss