Segja upp 52 sjómönnum
Setja bókamerki
Brim hf. hefur sagt upp 52 sjómönnum á frystitogaranum Vigra RE, en þeir fá forgang í laus pláss á öðrum skipum félagsins. Það má því gera ráð fyrir að yfirstandandi túr Vigra sé síðasta veiðiferð skipsins fyrir Brim.
Þetta herma heimildir Fiskifrétta. Forsvarsmenn Brims hafa sagst reiðubúnir að svara spurningum 200 mílna um málið eftir helgi.
Heimildir Fiskifrétta segja kvótaskerðingu ástæðu uppsagnanna. Vert er þó að geta þess að þó nokkrar breytingar hafa átt sér stað í flota Brims undanfarin misseri.
/frimg/1/21/15/1211522.jpg)
Á síðasta ári var tekin í notkun stærsta bolfiskskip Íslendinga þegar frystitogarinn Þerney RE hóf sína fyrstu veiðiferð, en árið á undan hafði Brim bætt við flota sinn frystitogara að nafni Sólborg.
Brim hefur því nú þrjá frystitogara, Vigra, Þerneyju og Sólborgu. Auk þeirra eru gerðir út ísfisktogararnir Akurey AK, Viðey RE og Helga María RE. Einnig gerir Brim út uppsjávarskipin Venus NS, Víking AK og Svan RE, sem og línubátinn Kristján HF.
Skiptar skoðanir innan meirihlutans
„Engill dauðans“ framseldur til Noregs
Á sjötta hundrað saklausir borgarar teknir af lífi
Fullur skilningur á stöðu Íslands
Eins og kraftaverk
Á þriðja tug látnir er árásum fjölgar í Úkraínu
Ökumaður jeppabifreiðar lést
Skemmdarverk unnin á golfvelli Trumps í Skotlandi