„Þetta verður sí­fellt mik­il­væg­ari markaður fyr­ir okk­ur,“ seg­ir Björn Hembre, for­stjóri An­ar­lax, á meðan hann fram­reiðir lax­a­rétti til smökk­un­ar í kynn­ing­ar­bási fé­lags­ins á sjáv­ar­út­vegs­sýn­ing­unni í Bost­on. Þar er mark­miðið að efla tengsl við kaup­end­ur hér vestra.

Spurður um hugs­an­lega inn­flutn­ing­stolla seg­ir hann ekk­ert annað í stöðunni en að vona að Ísland sleppi við inn­flutn­ing­stolla.

„Þetta skap­ar óvissu. Ein­mitt núna erum við ekki að slátra neitt og verðum við ekki fyr­ir áhrif­um þess beint, en þetta er það sem fólk er að tala um og spyrja sig „hvað ger­ist?“ Ef það verður toll­ur á ís­lenskt sjáv­ar­fang mun það hafa áhrif á sölu­magnið. Það gæti styrkt stöðu Síle því þeir eru ekki nefnd­ir á nafn í tengsl­um við tolla og hafa getu til að auka fram­leiðslu. Við náum mögu­lega að aðlag­ast eitt­hvað því við erum með viðráðan­leg­an flutn­ings­kostnað, en toll­ar hefðu veru­leg áhrif á okk­ur.“

Frétt af mbl.is

Fundaði með hags­munaðilum í Am­er­íku

Markaður fyr­ir stór­an fisk

„Fyrst og fremst er þetta markaður fyr­ir stór­an fisk, yfir sex kíló – við reyn­um að koma inn á markaðinn minni fisk­um, en aðallega er þetta markaður fyr­ir stóra fiska. Þess­ir markaðir fyr­ir stór­an fisk eru auk Banda­ríkj­anna, Asía og Suður-Evr­ópa. Banda­rík­in hef­ur tekið af­ger­andi meiri­hluta af stóra fisk­in­um okk­ar,“ út­skýr­ir hann.

Björn seg­ir sveifl­ur geta þó verið í eft­ir­spurn á Banda­ríkja­markaði þá mánuði sem kem­ur tölu­vert af kanadísk­um eld­islaxi á markaðinn, en þá fell­ur verð.

„Við reyn­um að selja alltaf til þeirra sem borga best á sama tíma sem við leggj­um áherslu á að upp­fylla kröf­ur sölu­samn­inga sem hafa verið gerðir til lengri tíma.“

Fjöldi ís­lenskra fyr­ir­tækja sem tengj­ast sjáv­ar­út­vegi leit­ast við að efla stöðu sína á Banda­ríkja­markaði með viðveru á Sjáv­ar­út­vegs­sýn­ing­unni í Bost­on. mbl.is/​Gunn­laug­ur

Fá gott verð

Eld­islax­inn frá Íslandi hef­ur ákveðið for­skot sem bygg­ir á því að flutn­inga­leiðin um hafið til Banda­ríkj­anna er til­tölu­lega stutt, en hún er tak­mörk­un­um háð að sögn Björns sem bend­ir á að það sé aðeins ein sigl­ing í viku.

„Við byrj­um að slátra á sunnu­dög­um og þurf­um að ljúka um miðjan dag á þriðju­dag, þannig að við fáum tvo og hálf­an dag í slátrun áður en koma þarf fisk­in­um í skip. Stór fisk­ur sem er slátraður á miðviku­dag og fimmtu­dag er seld­ur til Asíu og Suður-Evr­ópu. Svo get­um við sent fisk með flugi ef þörf er á.“

Frétt af mbl.is

Banda­rík­in helstu kaup­end­ur ís­lensks lax

Þrátt fyr­ir að unnið sé stöðugt að því að tryggja viðskipta­samn­inga til lengri tíma seg­ir Björn mik­il­vægt að setja ekki egg­in í eina körfu og út­skýr­ir að Arn­ar­lax sel­ur til fleiri kaup­enda í Banda­ríkj­un­um.

„Við höf­um lagt áherslu á að vera í viðskipt­um við þá sem vilja leggja áherslu á ís­lensk­an upp­runa lax­ins. Sum­ir hafa líka nýtt sér [sjálf­bærni­vott­un­ina] ASC sem ger­ir þeim kleift að selja vör­ur sín­ar sem sjálf­bær­ar. Svo erum við með viðskipta­vini sem vilja ekki kaupa ann­an lax en frá Arn­ar­laxi. Þetta styður allt við að við fáum aðeins auka fyr­ir fisk­inn okk­ar.“

Tengd­ar frétt­ir

Fisk­eldi

Vilja tak­marka er­lent eign­ar­hald í eldi

• Daní­el tek­ur við for­stjóra­stöðunni
• Tókst að ljúka 34 millj­arða fjár­mögn­un
• Rann­sókn á ólög­legu fisk­eldi miðar vel
• Nýtt há­tækni­vopn gegn erfðablönd­un

» Fleiri tengd­ar frétt­ir

• Blogga um frétt