10% færri starfandi í fiskiðnaði

Alls voru 4.055 starfandi í fiskiðnaði sem aðalstarf í janúar síðastliðnum. Um er að ræða 455 færri einstaklinga en í sama mánuði 2022 og hefur þeim þannig fækkað um 10%. Á undanförnum árum voru fæstir strafandi í fiskiðnaði í júlí á sæiðasta ári.

Þetta má lesa úr tölum Hagstofu Íslands.

Þá voru 3.383 starfandi við fiskveiða og fiskeldi, sem er flokkað saman í gögnum Hagstofunnar, í aðalstarfi í janúar síðastliðnum. Hafa þeir ekki verið færri síðan júlí 2023 þegar 3.352 störfuðu við fiskveiðar og fiskeldi sem aðalstarf.

Á undanförnum þremur árum hafa aldrei verið færri starfandi í þessum störfum í janúar.

Sé litið til kynjahlutfalla voru 11,4% starfandi í fiskveiðum og fiskeldi kvenkyns en hlutfallið hefur verið sveiflast frá tæplega 10% í allt að 14% á undanförnum þremur árum.

Staðan er þó önnur í fiskiðnaði en þar voru 40,6% starfandi kvenkyns en það er svipað og undanfarin þrjú ár.

• Blogga um frétt